ئێرنست مۆنیز وه‌زیری وزه‌ی پێشووی ئه‌مریكا سه‌باره‌ت به پابه‌ندیی حكومه‌تی ئێران به چوارچێوه‌كانی رێككه‌وتنه ئه‌تۆمییه‌كه‌ی خۆی له‌گه‌ڵ وڵاتانی زلهێزی جیهان وتیی به‌ڵگه‌ی هاشاهه‌ڵنه‌گرمان هه‌یه كه تاران پابه‌نده به‌م رێككه‌وتنه و به‌گوێره‌ی به‌ند و بڕگه‌كان جوڵاوه‌ته‌وه.
هه‌ڵبه‌ت به‌مدواییه‌ش راپۆرتێك له‌لایه‌ن ده‌زگای هه‌واڵگریی ناوه‌ندیی ئه‌مریكا خراوه‌ته به‌رده‌م ئه‌نجومه‌نی پیران كه ئاشكرای ده‌كات ئێران تا ئێستا هیچ كرده‌یه‌كی له ده‌ره‌وه‌ی چوارچێوه‌ی رێككه‌وتنه ئه‌تۆمییه‌كه ئه‌نجام نه‌داوه.
مۆنیز كه له پڕۆسه‌ی دانووستانه ئه‌تۆمییه‌كانی ئێراندا به‌شێوه‌ی به‌رده‌وام ئاماده‌بووه، مه‌به‌ستی له به‌ڵگه ئاماژه‌یه به راپۆرته به‌رده‌وامه تێروته‌سه‌له‌كانی ئاژانسی نێوده‌وڵه‌تیی وزه‌ی ئه‌تۆمیی كه ده‌رباره‌ی ئێران بڵاوكراوه‌ته‌وه.
جیا له‌مه فێدریكا مۆگرینی به‌رپرسی سیاسه‌تی ده‌ره‌وه‌ی یه‌كێتیی ئه‌وڕوپا به‌مدواییه وتوویه‌تیی به‌گوێره‌ی 13 راپۆرتی ئاژانسی وزه‌ی ئه‌تۆمیی، ئێران له چوارچێوه‌ی رێككه‌وتنه ئه‌تۆمییه‌كه‌دا جوڵاوه‌ته‌وه.
هه‌روه‌ها راپۆرته‌كانی جینا هێسپێڵ سه‌رۆكی ده‌زگای هه‌واڵگریی ناوه‌ندیی ئه‌مریكا و ده‌ن كۆتیز سه‌رۆكی گشتی سیسته‌می هه‌واڵگریی ئه‌م وڵاته كه خستوویانه‌ته به‌رده‌م ئه‌ندامانی كۆنگرێس، باس له‌وه ده‌كه‌ن كه به‌گوێره‌ی لێكۆڵینه‌وه‌كان تا ئێستا تاران له چواره‌چێوه‌ی رێككه‌وتنه‌كه لاینه‌داوه.
مه‌سعود / كوردستان تی ڤی
سه‌رچاوه/ یۆرۆ نیوز
کۆمێنت (0)
تا ئێستا هیچ کۆمێنتێک نەکراوە.