سه‌ر له به‌یانیی ئه‌مڕۆ دووشه‌ممه مانۆڕی سه‌ربازیی حكومه‌تی ڤه‌نزوێلا به ئاماده‌بوونی نیكۆلاس مادۆرۆ سه‌رۆك كۆماری ئه‌م وڵاته ده‌ستیپێكرد و بڕیاره بۆ ماوه‌ی 5 رۆژ به‌رده‌وام بێت.
سه‌باره‌ت به‌م مانۆڕه سه‌ربازییه مادۆرۆ وتی: له مێژووی 200 ساڵه‌ی ڤه‌نزوێلادا ئه‌مه گرنگترین مانۆڕی سه‌ربازییه كه ئه‌نجام ده‌درێت و ئامانجی لێی ئاماده‌ییه بۆ پاراستنی سه‌روه‌ریی و سه‌ربه‌خۆیی وڵاته‌كه‌مان له به‌رامبه‌ر هه‌رجۆره ده‌ستوه‌ردانێكی ده‌ره‌كیی.
شایه‌نی ئاماژه‌یه سه‌رباری ئه‌وه‌ی كه ئه‌مریكا په‌یوه‌ندیی راسته‌وخۆی به سوپای ڤه‌نزوێلا كردووه، به‌ڵام سوپای ئه‌م وڵاته هێشتا هه‌ر پشتی مادۆرۆ ده‌گرێت و پێی وه‌فاداره. به‌گوێره‌ی هه‌ندێك هه‌واڵیش كه له‌ناو ئه‌فسه‌رانی سوپای ئه‌م وڵاته‌وه دزه‌ی كردووه‌ته ده‌ره‌وه به‌شێك له ئه‌فسه‌ره پله باڵاكانی ناو سوپا سوود له گه‌نده‌ڵیی و قاچاخی ماده هۆشبه‌ره‌كان وه‌رده‌گرن.
مه‌سعود / كوردستان تی ڤی
سه‌رچاوه/ رادیۆ زه‌مانه
کۆمێنت (0)
تا ئێستا هیچ کۆمێنتێک نەکراوە.