له‌شاری ئاورۆرا سه‌ربه ویلایه‌تی ئیلینۆی رۆژئاوای ئه‌مریكا، ھێرشێكی چه‌كداریی كرایه سه‌ر فرۆشگایه‌ك.
فه‌رمانده‌ی پۆلیس له شاری ئاورۆرا، كیرستن زیمان له كۆنگره‌یه‌كی رۆژنامه‌وانیدا ورده‌كاری زیاتری له‌باره‌ی ھێرشه‌كه‌دا، خسته‌ڕوو.
كیرستن زیمان رایگه‌یاند كه له ئاكامی ھێرشه‌كه‌دا، پێنج كه‌س كوژراون و پێنج پۆلیسیش برینداربوون.
فه‌رمانده‌ی پۆلیسی له شاری ئاورۆرا روونیكرده‌وه، ئه‌نجامده‌ری ھێرشه‌كه كه له میانی ھێرشه‌كه‌دا كوژراوه، ناوی گاری مارتن ته‌مه‌ن ٤٥ ساڵه و له فڕۆشگاكه كاری ده‌كرد.
ھاوكات سه‌رۆكی ئه‌مریكا، دۆناڵد تره‌مپ له تویتێكدا سه‌ره‌خۆشی خۆی ئاراسته‌ی كه‌سوكاری قوربانیانی ھێرشه‌كه كردووه.
کۆمێنت (0)
تا ئێستا هیچ کۆمێنتێک نەکراوە.