ئه‌نگێلا مێركل راوێژكاری ئه‌ڵمانیا هۆشداریی ده‌دات سه‌باره‌ت به‌وه‌ی كه ئه‌گه‌ر بێت و ئه‌مریكا هێزه‌كانی خۆی له خاكی سووریا بكشێنێته‌وه، ئه‌وا پێگه‌ی سه‌ربازیی ئێران و ته‌نانه‌ت رووسیاش له‌ناو رۆژهه‌ڵاتی ناوه‌ڕاست و له ناوچه‌كه‌دا به‌هێزتر ده‌بێت.
خاتوو مێركل له وتارێكدا له‌كاتی به‌ڕێوه‌چوونی كۆنفڕانسی ئاسایشی میونشن، هه‌روه‌ها سه‌باره‌ت به ئه‌گه‌ری ده‌رچوونی هێزه‌كانی ئه‌مریكا له ئه‌فغانستانیش هۆشداریدا و وتی: ئۆپه‌راسیۆنه‌كانی ناتۆ له ئه‌فغانستان به‌ستراوه‌ته‌وه به به‌ڵێن و به‌رپرسیارێتییه‌كانی ئه‌مریكا.
هه‌روه‌ها راوێژكاری ئه‌ڵمانیا ئه‌م بڕیاره‌ی دۆناڵد ترامپی سه‌باره‌ت به كشانه‌وه‌ی خێرا له سووریا به بڕیارێكی به‌په‌له وه‌سفكرد كه پێویستی به پێداچوونه‌وه هه‌یه.
مه‌سعود / كوردستان تی ڤی
سه‌رچاوه/ رادیۆ فه‌ردا
کۆمێنت (0)
تا ئێستا هیچ کۆمێنتێک نەکراوە.