بە بۆنەی ڕۆژی خۆشەویستی ڤالانتاین خانمە هونەرمەندی دەنگخۆش" ئەمەل سەعید كوردە " تازەترین بەرهەمی هونه‌ری خۆی كه بریتییه له گۆرانییه‌ك بە ناونیشانی (پەلەمەكە) پێشكەش بە هەوادارانی ده‌كات .
ئه‌م هونه‌رمه‌نده لەو دوا بەرهەمە هونەریەی خۆیدا داهێنانی تازەی كردوە و گۆرانیەك لەسەر شێوازی فۆلكلۆری و بە هەردوو زمانی كوردی و یۆنانی دەڵێتەوە .
گۆرانی په‌له‌مه‌كه هۆنراوەكەی " بەڵێن سەنگاوی " نووسیویەتی و ئاوازەكەی " زاغۆرێۆس " دایناوە كە ئاواز دانەرێكی دیاری یۆنانیە و هونەرمەند " ڕۆژ كەریم " یش موزیكەكەی رێك خستووە و بۆی دابەشیوە.
ئه‌مه‌ل سه‌عید كورده لە شاری كەركووك لە دایك بوە و لە تەمەنی 17 ساڵیدا لەسەر شاشەی تەلەفزیۆن دەركەوتوە و گۆرانیی چڕیوە و لە تەمەنی 21 ساڵی پەیمانگەی هونەرە جوانەكانی تەواو كردوە، ئەو خاتوونە خاوەنی 30 كاری هونەری و زیاتر لە 20 كلیپ و ئەلبوومێكی هەشت تراكیە .
جێی باسه ، لە ساڵی 2004 وە ڕوویكردۆتە هەندەران و له ئێستادا لەگەڵ خانەوادەكەیدا لە وڵاتی بەریتانیا ژیان بەسەر دەبات .
کۆمێنت (0)
تا ئێستا هیچ کۆمێنتێک نەکراوە.