كۆنگرێسی ئه‌مه‌ریكا كه زۆرینه‌ی له‌لایه‌ن ئه‌ندامانی دیموكراته‌كانه‌وه پێكدێت و جیا له‌وه‌یش زیاتر له 10 كۆنگرێسمانی كۆمارییه‌كان چوونه پاڵ دیموكراته‌كان و به‌زۆرینه‌ی ده‌نگ ڕاگه‌یاندنی باری نائاسایی نیشتمانیان له وڵات ڕه‌تكرده‌وه، كه له ماوه‌ی ڕابردوو دۆناڵد تره‌مپ ڕایگه‌یاندبوو ده‌بێت زۆرترین داهات كۆ بكرێته‌وه بۆ پڕۆژه‌ی دروستكردنی دیوار له سنووری نێوان ئه‌مه‌ریكا و مه‌كسیك.
ئێستا دیموكراته‌كان به ته‌واوی به‌سه‌ر كۆنگرێسی ئه‌مه‌ریكا زاڵن و زۆرینه‌ی ئه‌ندامانیان هێ ئه‌وانه، به‌وهۆیه‌وه به ده‌نگی به‌ڵێی 245 كۆنگرێسمان و 182 ده‌نگی نه‌خێری ئه‌ندامانی كۆنگرێس پڕۆژه بڕیاری ڕاگه‌یاندنی باری نائاسایی له وڵات ڕه‌تكرایه‌وه.
هه‌روه‌ها دۆناڵد تره‌مپ سه‌رۆكی ئه‌مریكا به‌ڵێنی داوه ئه‌گه‌ر كۆنگرێس و ئه‌نجوومه‌نی پیران پرۆژه‌كه‌ی ڕه‌ت بكه‌نه‌وه ئه‌وا مافی ڤیتۆ به‌كار ده‌هێنێت، ئه‌گه‌ر هاتوو تره‌مپ ڤیتۆ به‌كار بهێنێت، دووباره بڕیاره‌كه ده‌گه‌ڕێته‌وه بۆ كۆنگرێس و ئه‌مجاره پێویستی به ده‌نگی دوو له‌سه‌ر سێی ئه‌ندامانی كۆنگرێس ده‌بێت.
هه‌ر به‌هۆی ئه‌و بڕیاره‌ی تره‌مپ ناڕه‌زایی 16 ویلایه‌تی به‌دوای خۆیدا هێنا و تانه‌یان له‌و بڕیاره‌دا و گوتیان تره‌مپ به‌و بڕیارانه‌ی ویلایه‌ته یه‌كگرتووه‌كان به‌ره‌و داڕمان ده‌بات.
کۆمێنت (0)
تا ئێستا هیچ کۆمێنتێک نەکراوە.