وه‌زاره‌تى دارایی و ئابوری هه‌رێمی کوردستان بڕیارێکى نوێی ده‌رکرد

له‌نووسراوێكدا كه‌وێنه‌یه‌ك ده‌ست ماڵپه‌ری كوردستان تیڤى كه‌وتووه‌ ، وه‌زاره‌تى دارایی و ئابووری هه‌رێمی كوردستان بڕیاریدا به‌كه‌مكردنه‌وه‌ى نرخی باج له‌سه‌ر پارێزه‌ران 

نووسراوه‌كه‌ى دارایی و ئابوری هه‌رێمی كوردستان كه‌واژۆی ڕێباز حه‌ملان وه‌زیری دارایی له‌سه‌ره‌ ئاماژه‌ به‌وه‌ ده‌كات  له‌پێناو به‌رژه‌وه‌ندی گشتى و ئاسانكاری بۆ پارێزه‌رانى هه‌رێمی كوردستان بڕیاردرا به‌وه‌رگرتنى باج له‌پارێزه‌ران به‌م شێوه‌یه‌ی خواره‌وه‌ ده‌بێت له‌ساڵی 2013 ى خه‌ملاندن تا ساڵی 2019 

1- %25 داشكاندن بۆ سه‌رجه‌م پارێزه‌ران بكرێت 

2- 25 % داشكاندن بكرێت بۆ ئافره‌ت و پیاو ئه‌گه‌ر هه‌ردوو كیان سه‌رچاوه‌ی داهاتییان هه‌بوو  وه‌یه‌كێكیان پارێزه‌ر بوو 

3- %30 داشكاندن بۆ پارێزه‌ری سه‌ڵت بكرێت 
 

وه‌زاره‌تى دارایی و ئابووری هه‌رێمی كوردستان ئاماژه‌ به‌وه‌ش ده‌كات ئه‌م داشكانه‌ تا به‌رواری 30 ى 6 ى 2019 كاری پێده‌كرێت 

شوان عه‌زیز