خوان گوایدۆ رێبه‌ری ئۆپۆزیسۆنی حكومه‌تی ڤه‌نزوێلا رایگه‌یاند كه 600 ئه‌فسه‌ری سوپای ئه‌م وڵاته ده‌ستیان له پشتیوانیی نیكۆڵاس مادۆرۆ هه‌ڵگرتووه و لێی جیابوونه‌ته‌وه.
رێبه‌ری ئۆپۆزیسیۆنی ڤه‌نزوێلا كه رۆژی هه‌ینی سه‌ردانی پاراگوای كردبوو، له‌مباره‌یه‌وه رایگه‌یاند: ئێمه به راشكاویی له‌گه‌ڵ ئه‌فسه‌رانی هێزه چه‌كداره‌كانی ڤه‌نزوێلا گفتوگۆمان كردووه و ئه‌وان وتیان شایه‌تی ئه‌وه بوونه كه له رۆژانی رابردوودا 600 ئه‌فسه‌ری سوپا به‌ره‌و رێزگرتن له ده‌ستووری بنه‌ڕه‌تیی هه‌نگاویان هه‌ڵگرتووه و به‌مشێوه‌یه پشتی مادۆرۆیان به‌رداوه.
شایه‌نی باسه كه خوان گوایدۆ وه‌ك سه‌رۆك كۆماری وڵاتێكی بیانیی سه‌ردانی وڵاتی پاراگوای كردووه و رێبه‌رانی ئه‌م وڵاته‌ش هه‌ر به‌م سیفه‌ته ئه‌ویان قبوڵكردووه.
هه‌ڵبه‌ت بڕیاره گوایدۆ دوای جێهێشتنی پاراگوای سه‌ردانی ئه‌رژه‌نتین بكات به مه‌به‌ستی دیدار له‌گه‌ڵ سه‌رۆك كۆماری ئه‌م وڵاته.
مه‌سعود / كوردستان تی ڤی
سه‌رچاوه/ یۆرۆ نیوز
کۆمێنت (0)
تا ئێستا هیچ کۆمێنتێک نەکراوە.