به‌گوێره‌ی رێككه‌وتنێك كه له نێوان حزبه‌كانی ناو كابینه‌ی ئێستای ئه‌ڵمانیا هاتووه‌ته ئاراوه، حكومه‌تی ئه‌ڵمانیا ره‌گه‌زنامه‌ی ئه‌م وڵاته له‌و چه‌كدارانه‌ی داعش وه‌رده‌گرێته‌وه كه جیا له ره‌گه‌زنامه‌ی ئه‌ڵمانیی ره‌گه‌زنامه‌یه‌كی دیكه‌شیان هه‌یه و رۆیشتوونه‌ته ده‌ره‌وه‌ی ئه‌ڵمانیا به مه‌به‌ستی ئه‌نجامی كرده‌وه‌ی تیرۆریستیی بۆ ئه‌م گروپه.
ره‌شنووسی ئه‌م پڕۆژه‌ی بڕیاره كه ره‌زامه‌ندیی وه‌زیری ناوخۆ و وه‌زیری دادی وڵاته‌كه‌ی وه‌رگرتووه ئه‌و هاوڵاتییه ئه‌ڵمانیانه ده‌گرێته‌وه كه به ره‌چه‌ڵه‌ك خه‌ڵكی وڵاتێكی دیكه‌ن و بوون به خاوه‌نی ره‌گه‌زنامه‌ی ئه‌ڵمانیی و ئه‌ندامی داعشن.
هه‌روه‌ها به‌هاری ساڵی 2018 حزبی كریستیان و حزبی سوسیال دیموكراتی ئه‌ڵمانیا رێككه‌وتن له‌سه‌ر ئه‌وه‌ی كه مافی هاوڵاتیبوون له‌و كه‌سانه وه‌رگیرێته‌وه كه به‌شدارییان له كرده‌وه‌ی تیرۆریستیدا له ده‌ره‌وه‌ی ئه‌ڵمانی بسه‌لمێنرێت.
مه‌سعود / كوردستان تی ڤی
سه‌رچاوه/ دی ده‌بڵیوو
کۆمێنت (0)
تا ئێستا هیچ کۆمێنتێک نەکراوە.