بەرزترین خەڵاتی زانستی لە ئێران کە بە نۆبڵی ئێرانی ناسراوە، پێشکەش بە خوێندکارێکی کورد کرا.
سائیب ئەحمەدی، خەڵکی نۆدشە و خوێندکاری قۆناغی دوکتۆرای پسپۆڕیی Ph.D لە بەشی ئەندازیاریی کیمیا لە زانکۆی تەربیەت مودەڕسی تاران، خەڵاتی بونیادی فارابی ناسراو بە (نۆبڵی ئێرانی) مسۆگەر کرد.
لە ناو ئەو بلیمەتانەی کە خەڵات کراون، ٥ زانا، چوار داهێنەر، ١٠ خوێندکاری بەشی زانستی پزیشکی، ٣٠ خوێندکاری زانستی بنەمایی، مرۆیی و ئەندازیاریی و ١٠ فەقێ دەبینرێن.
خوێندکاران و قوتابیانی کورد له ئێران وێڕای بەشداریی بەرچاو لە زانکۆکان و ناوەندەکانی زانستیدا توانیویانە پلە و خەڵاتی ناوازە مسۆگەر بکەن.
جێی باسه ، لەم ڕێ و ڕەسمەدا ڕێز لە ٥٩ بلیمەتی ئێرانی گیرا.
سه‌رچاوه:جام كوردی
کۆمێنت (0)
تا ئێستا هیچ کۆمێنتێک نەکراوە.