وەزارەتی خوێندنی باڵا و توێژینەوەی زانستیی حکوومەتی عێراق رایدەگەیەنێت، کە قوتابییانی کورد بۆ تەواوکردنی خوێندن، رەوانەی دەرەوەی وڵات دەکرێن.
قوسەی سوهێل، وەزیری خوێندنی باڵا لە پەیجی تایبەتیی خۆی لەتۆڕی کۆمەڵایەتیی (فەیسبووک) رایگەیاندووە، کە بەشی %17 لە تۆڕە رۆشنبیرییەکانی باڵیۆزخانەکانی عێراق، کە نوێنەرایەتیی وەزارەتەکەی دەکەن، بە کورد دەدرێت.
قوسەی سوهێل هەروەها رایگەیاندووە، کە رێژەی %17ـی زەمالەی خوێندن لە دەرەوەی وڵات دەدرێتە قوتابییانی کورد و لە زانکۆکانی عێراقیش کورسی بۆ کەسوکاری شەهیدانی کوردستان دابین دەکرێت.
بەپێی دەستووری هەمیشەیی عێراق، گەلی کوردستان %17ـی دانیشتووانی عێراق پێک دەهێنێت و پێویستە لە هەموو کاروبارەکانی ئەو وڵاتە، کار بە پێدانی ئەو رێژەیە بە گەلی کوردستان بکرێت.
کۆمێنت (0)
تا ئێستا هیچ کۆمێنتێک نەکراوە.