مایك پۆمپیۆ وه‌زیری ده‌ره‌وه‌ی ئه‌مریكا رۆژی پێنجشه‌ممه و له‌كاتی سه‌ردان بۆ لوبنان به‌بێ له‌به‌رچاو گرتنی ئه‌وه‌ی حزبوڵڵا به‌شێكه له كابینه‌ی حكومه‌تی ئێستای لوبنان، وتی حزبوڵڵا رێكخراوێكی تیرۆریستییه.
پۆمپیۆ له‌كاتی گفتوگۆ له‌گه‌ڵ په‌یامنێراندا له‌ناو فڕۆكه وتی: حزبوڵڵای لوبنان ته‌نیا و ته‌نیا رێكخراوێكی تیرۆریستییه نه‌ك هیچی دیكه.
دواتر یه‌كێك له په‌یامنێران به پۆمپیۆ ده‌ڵێت كه هه‌رچۆنێك بێت حزبوڵڵا ئێستا به‌شێكه له كابینه‌ی لوبنان و پۆمپیۆش له وه‌ڵامدا ده‌ڵێت: حزبوڵڵا رێكخراوێكی تیرۆریستییه كه به بودجه‌ی كۆماری ئیسلامیی ئێران درووستكراوه به ئامانجی له‌ناوبردنی ئیسڕائیل و ئه‌گه‌ر وردیش بڕوانن ده‌بینن كه دیموكراسییه‌تی رۆژئاوا و به‌تایبه‌تیی ئه‌مریكای كردووه به ئامانج تا له‌ناوی ببات.
وه‌رگێڕان و داڕشتنه‌وه‌ی / مه‌سعود
سه‌رچاوه / ده‌نگی ئه‌مریكا
کۆمێنت (0)
تا ئێستا هیچ کۆمێنتێک نەکراوە.