دۆناڵد ترامپ سه‌رۆك كۆماری ئه‌مریكا رۆژی رابردوو واته شه‌ممه به فه‌رمیی رایگه‌یاند كه داعش به یه‌كجاریی له وڵاتانی سووریا و داعش له‌ناوچووه.
ترامپ له به‌یاننامه‌یه‌كدا به‌فه‌رمیی ده‌ڵێت به شانازییه‌وه رایده‌گه‌یه‌نم كه به هاوكاریی هاوپه‌یمانانی خۆمان له به‌ره‌ی دژی داعشدا و به‌تایبه‌تیی هێزه عێڕاقییه‌كان و هێزه‌كانی هه‌سه‌ده له سووریا، توانیمان سه‌رجه‌م ناوچه داگیركراوه‌كان له‌ده‌ستی داعش وه‌رگرینه‌وه.
دواتریش له درێژه‌دا وتیی: ته‌نیا دوو ساڵ له‌مه‌وبه‌ر بوو كه داعش به‌شێكی زۆری خاكی عێڕاق و سووریای خستبووه ژێر كۆنتڕۆڵی خۆی. له‌وساوه تا ئێستا ئێمه نزیكه‌ی 20 هه‌زار میلی چوارگۆشه‌مان له‌و ناوچانه له‌ده‌ستی داعش سه‌ندووه‌ته‌وه و ملیۆنان هاوڵاتیی سووریا و عێڕاقمان له‌ژێر ده‌ستی داعش رزگار كردووه.
دۆناڵد ترامپ هه‌روه‌ها له به‌یاننامه‌كه‌یدا هۆشدارییدا به‌و گه‌نجانه‌ی كه له‌سه‌ر تۆڕی ئینته‌رنێت بڕوایان به ئایدۆلۆژیای داعش هێناوه و رایگه‌یاند: ئه‌گه‌ر بڕۆنه پاڵ ئه‌م گروپه ئه‌وا ده‌كوژرێن.
وه‌رگێڕان و داڕشتنه‌وه‌ی / مه‌سعود
سه‌رچاوه / ده‌نگی ئه‌مریكا
کۆمێنت (0)
تا ئێستا هیچ کۆمێنتێک نەکراوە.