به‌گوێره‌ی هه‌واڵێكی سكای نیوز له ئه‌نجامی ته‌قینه‌وه‌ی بۆمبێك له شاری ئوم ده‌رمان له ڕۆژئاوای خه‌رتومی پایته‌ختی سودان 8 منداڵ گیانیان له‌ده‌ستدا كه دووانیان منداڵی یه‌ك خیزانن.
سه‌رچاوه‌كه ڕوونیشی كرده‌وه به‌پێی وته‌ی شایتحاڵه‌كان ئه‌و منداڵانه له‌كاتێكدا ویستویانه مادده‌ی مسی ناو ئه‌و بۆمبه ده‌ربێنن ته‌قیوه‌ته‌وه پیاندا له ناوچه‌یه‌كی مه‌شق و ڕاهێنانی سوپا له ناوچهی فه‌تح.
هه‌روه‌ها چه‌ند سه‌رچاوه‌یه‌كی ناوخۆی سودان ڕایانگه‌یاند: به‌هۆی ئه‌و ته‌قینه‌وه‌یه‌ش چه‌ند كه‌سێك برینداربوون و گه‌یه‌نرانه نه‌خۆشخانه‌ی ئوم ده‌رمان بۆ چاره‌سه‌ركردن.
جێی ئاماژه‌یه ناوچهی فه‌تح كه ده‌كه‌وێته ڕۆژئاوای ئوم ده‌رمان و ناوچه‌یه‌كی مه‌شق و ڕاهێنانی سوپایه تاوه‌كو ئێستا چه‌ندین جار ڕووبه‌ڕوی كاره‌ساتی له‌م شێوه‌یه بۆته‌وه كه زۆربه‌شیان منداڵ بوون و بۆ یاریكردن ده‌چنه ئه‌و ناوچه‌یه.
کۆمێنت (0)
تا ئێستا هیچ کۆمێنتێک نەکراوە.