هاوكات له‌گه‌ڵ پته‌وتربوونی په‌یوه‌ندییه‌كانی نێوان نیكۆڵاس مادۆرۆ و مۆسكۆ، دوو فڕۆكه‌ی هێزی ئاسمانیی رووسیا ژماره‌یه‌ك به‌رپرسیی رووسیی و نزیكه‌ی 100 سه‌ربازی ئه‌م وڵاته و به ده‌یان تۆن كه‌لوپه‌لیان گواستووه‌ته‌وه بۆ ڤه‌نزوێلا.
ئاژانسی رۆیته‌رز شه‌وی رابردوو رایگه‌یاندووه كه رۆژی هه‌ینیی دوو فڕۆكه‌ی رووسیی له فڕۆكه‌خانه‌یه‌كی سه‌ربازیی ئه‌م وڵاته‌وه به‌ره‌و كاراكاسی پایته‌ختی ڤه‌نزوێلا رۆیشتوون و یه‌كێك له‌و فڕۆكانه رۆژی یه‌كشه‌ممه كاراكاسی جێهێشتووه.
به‌گوێره‌ی هه‌واڵه‌كه یه‌كێك له فڕۆكه‌كان ڤاسیلی تانكشكرۆڤ سه‌رۆكی ئه‌ركانی هێزی زه‌مینیی رووسیا و گروپێك له سه‌ربازانی ئه‌م وڵاته‌ی هه‌ڵگرتووه و فڕۆكه‌كه‌ی دیكه‌ش 35 تۆن كه‌لوپه‌لی بردووه به‌ره‌و كاراكاس.
رۆیشتنی سه‌ربازانی رووسیی بۆ ڤه‌نزوێلا له‌كاتێكدایه كه ئه‌مریكا خوان گوایدۆ به‌فه‌رمیی وه‌ك سه‌رۆك كۆماری ڤه‌نزوێلا ده‌ناسێت و خوازیاری ده‌ست له‌كار كێشانه‌وه‌ی نیكۆڵاس مادۆرۆیه.
وه‌رگێڕان و داڕشتنه‌وه‌ی / مه‌سعود
سه‌رچاوه / ده‌نگی ئه‌مریكا
کۆمێنت (0)
تا ئێستا هیچ کۆمێنتێک نەکراوە.