ئه‌نجوومه‌نی پیرانی ئه‌مه‌ریكا پڕۆژه یاسایه‌کیان پێشکه‌ش کردووه ڕێگری ده‌كات له راده‌ستكردنی فرۆكه‌ی ئێف سی و پێنج به توركیا .
چوار ئه‌ندامى ئه‌نجومه‌نى پیرانى ئه‌مریکا پڕۆژه یاسایه‌کیان پێشکه‌ش کردووه بۆ رێگریکردن له راده‌ستکردنى فڕۆکه‌ى جه‌نگى ئێف سی و پێنج به تورکیا به پاساوى کڕینى سیسته‌مى به‌رگرى ئاسمانى ئێس چوارسه‌دله روسیا، هه‌روه‌ها چوار ئه‌ندامه‌که دوانیان سه‌ر به دیموکراته‌کان و دوانیشیان سه‌ر کۆمارییه‌کان له پڕۆژه یاساکه‌یاندا له ژێر ناوى "یاساى پاراستنى گۆڕه‌پانى ئاسمانى ناتۆ" ئاماژه‌یان به‌وه‌کردووه که تا ئه‌نقه‌ره پاشگه‌ز نه‌بێته‌وه له کڕینى سیسته‌مى به‌رگرى ئاسمانى ئێس چوارسه‌د هیچ فڕۆکه‌یه‌کى جه‌نگى ئێف سی و پێنج ى له‌لایه‌ن ئه‌مریکاوه راده‌ست ناکرێت.
شیاوی ئاماژه پێدانه ئه‌و ئه‌ندامانه‌ی ئه‌نجوومه‌نی پیرانی ئه‌مه‌یكا داواى ئه‌وه‌شیان کردووه پێدانى فڕۆکه‌ى له‌و جۆره به تورکیا، یه‌کێتیى هاوپه‌یمانێتیى ناتۆ ده‌خاته مه‌ترسییه‌وه و کاریگه‌رى خراپ ده‌کاته سه‌ر ئۆپه‌راسیۆنى هێزه‌کانى ئه‌مریکا .
کۆمێنت (0)
تا ئێستا هیچ کۆمێنتێک نەکراوە.