وه‌زیری ده‌ره‌وه‌ی ئه‌مریكا وێڕای ئاماژه به كرده‌وه‌كانی ئێران له ئاستی رۆژهه‌ڵاتی ناوه‌ڕاست و ئه‌مریكای باكووردا رایگه‌یاند كه واشنتن ده‌ستیكردووه به هه‌ڵمه‌تێكی به‌فراوان و گه‌وره‌ی ئابووریی و سیاسیی له دژی كۆماری ئیسلامیی ئێران.
مایك پۆمپیۆ له كۆبوونه‌وه‌ی دامه‌زراوه‌ی " نه‌شناڵ رێڤیو "ـدا وتی: كۆماری ئیسلامیی ئێران گه‌وره‌ترین هه‌ڕه‌شه‌یه بۆ سه‌قامگیریی رۆژهه‌ڵاتی ناوه‌ڕاست و وه‌زاره‌تی ده‌ره‌وه‌ی ئه‌مریكا بۆ كه‌مكردنه‌وه‌ی هه‌ڕه‌شه‌كانی ئێران له ناوچه‌كه‌دا ده‌ستیكردووه به هه‌ڵمه‌تێكی به‌رنگاربوونه‌وه له دژی كرده‌وه‌كانی ئه‌م وڵاته كه وه‌زاره‌تی خه‌زێنه و وه‌زاره‌تی به‌رگریش تیایدا به‌شدارن.
پۆمپیۆ ئاماژه‌یدا به‌وه‌ش كه: كۆماری ئیسلامیی ئێران پشتیوانی حوسییه‌كانی یه‌مه‌ن و میلیشیاكانی عێڕاق و حزبوڵڵای لوبنان و حكومه‌تی سووریایه و له زۆرێك شه‌ڕانگێزیدا له‌م وڵاته رۆڵی هه‌بووه و له رۆژهه‌ڵاتی ناوه‌ڕاستیشدا پێویست ناكات زۆر پرسیار بكه‌یت تا بگه‌یته ئه‌و ئه‌نجامه‌ی حكومه‌تی تاران گه‌وره‌ترین هه‌ڕه‌شه‌یه بۆ تێكدانی سه‌قامگیریی ناوچه‌كه.
وه‌رگێڕان و داڕشتنه‌وه‌ی / مه‌سعود
سه‌رچاوه / ده‌نگی ئه‌مریكا
کۆمێنت (0)
تا ئێستا هیچ کۆمێنتێک نەکراوە.