سەرکۆماری تورکیا، رەجەب تەیب ئەردۆغان گوتی: "سوپاسی گشت ئەو ھاووڵاتییانە دەکەم کە ھەستیاری ئێمەیان لەبارەی پرسی مان و نەمان بەھەند ھەڵگرتووە، بەتایبەتی برا کوردەکانمان".
سەرۆکی گشتی ئاک پارتی و سەرکۆماری تورکیا، رەجەب تەیب ئەردۆغان لە بالکۆنی ناوەندی پارتەکەی لە شاری ئەنقەرە، گوتارێکی پێشکەش کرد.
سەرکۆماری تورکیا، رەجەب تەیب ئەردۆغان گوتی: "لە ئه‌مڕۆوه دەستدەکەین بە دیاریکردن و قەرەبووکردنەوەی کەموکوڕەییەکانمان".
ئەردۆغان گوتیشی: "سوپاسی گشت ئەو ھاووڵاتییانە دەکەم کە ھەستیاری ئێمەیان لەبارەی پرسی مان و نەمان بەھەند ھەڵگرتووە، بەتایبەتی برا کوردەکانمان".
سەرکۆماری تورکیا، رەجەب تەیب ئەردۆغان راشیگەیاند: "لەو شوێنانەی کە وەک ئاک پارتی بە تەنیا، یان بە ھاوپەیمانی جمھوور چووینەتە ھەڵبژاردنەوە لە ئێستادا ٧٧٨ سەرۆکایەتی شارەوانیمان بەدەستھێناوە، لەوانەیش ١٦ گەورە شارەوانی، ٢٤ شارەوانی پارێزگا، ٥٣٨ شارەوانی شارۆچکە و شارەوانی ناحیە".
ئەردۆغان باسی لە کەموکوڕییەکان کرد و گوتی: "ئەگەر کەموکوڕیمان ھەبێت ئەوا چاککردنیان ئەرکی سەرشانمانە".
سەرکۆماری تورکیا لەبارەی ئەنجامەکانی ھەڵبژاردن گوتی: "ئەنجامەکان ئەوە دەردەخات کە لەسەدا ٥٦ی شارەوانییەکانی وڵاتەکەمان لە لایەن ئاک پارتییە بەڕێوە دەبردرێت".
رەجەب تەیب ئەردۆغان گوتیشی: "تاکە ھۆکاری ئەوەی کە لەم ھەڵبژاردنەدا ئەو ئامانجانەمان بەدەستنەھێنا کە ئارەزوومەندی بوون ئەوەیە کە نەمانتوانی بەپێی پێویست باسی خۆمان بۆ گەلەکەمان بکەین و، بەپێی پێویست نەچووینە دڵەکانەوە".
سه‌رچاوه - AA
کۆمێنت (0)
تا ئێستا هیچ کۆمێنتێک نەکراوە.