مەكتەبی سیاسی پارتی دیموكراتی كوردستان له پهیامێكدا سەری ساڵی بابلی - ئاشووری و جەژنەكانی ئەكیتۆ پیرۆز دهكات و ئهمهش دهقهكهیهتی:
بەبۆنەی هاتنەوەی ساڵی تازەی بابلی - ئاشووری و جەژنەكانی ئەكیتۆ، پیرۆزباییەكی گەرم لە سەرجەم گەلی كلدان سریان ئاشووری لە كوردستان و جیهان دەكەین، ئاواتەخوازین ئەو جەژنەتان بەوپەڕی بەختەوەریی و ئارامیی و ئاسوودەیی بەسەرببەن.
هیوادارین ئەو جەژنە موژدەبەخشی كۆتایی هێنان بێت بە كێشە و گیروگرفتەكانی خوشك و برایانی كریستیان و پێكهاتە نەتەوەیی و ئایینزاكانی دیكە لە ناوچەکەدا و جارێكی دیكە دانیشتوانەكەی دووچاری دەردەسەری و دەربەدەری نەبنەوە.
لەو بۆنەیەدا دووبارە جەخت دەكەینەوە سەر بنەما رەسەنەكانی كوولتوری دێرین و رەگداكوتاوی پێكەوەژیان و لێبووردەیی و یەكتر قبووڵكردن بەبێ جیاكاریی لەرووی نەتەوەو ئایین و ئایینزا، كە نەریت و كۆڵەگەیەكی راست و دروستی گەلی كوردستانە و مایەی شانازیە بۆ ھەرێمی کوردستان و ھەموو لایەكیش، هەربۆیە پشتیوانی تەواو لەو فرەیی و هەمەرەنگییەی نێوان پێكهاتەكان لە نەتەوە و ئایین و ئایینزاكان دەكەین و هیوادارین بەردەوام پتەوتر و بەهێزتر بێت.
دووبارە جەژنی سەری ساڵی تازەی بابلی - ئاشووری و جەژنەكانی ئەكیتۆ لە تەواوی گەلی كلدان سریان ئاشوور پیرۆز بێت، بەهیوای ساڵێكی تازەی پڕ لە خێر و خۆشی و ئاسوودەیی.
مەكتەبی سیاسی پارتی دیموكراتی كوردستان
1ـی 4ـی 2019
کۆمێنت (0)
تا ئێستا هیچ کۆمێنتێک نەکراوە.