به‌گوێره‌ی رۆژنامه‌ی واڵ ستریت ژۆرناڵ حكومه‌تی دۆناڵد ترامپ به‌نیازه سوپای پاسدارانی ئێران بخاته ناو لیستی رێكخراوه تیرۆریستیه‌كانی جیهان و به‌مكاره‌ش ده‌بێته یه‌كه‌مجار كه ئه‌مریكا ئۆرگانێكی سه‌ربازیی یه‌كێك له وڵاتانی جیهان وه‌ك گروپێكی تیرۆریستیی ده‌ناسێنێت.
سێ سه‌رچاوه‌ی ئاگادار شه‌وی رابردوو واته هه‌ینی به رۆژنامه‌كه‌یان راگه‌یاند كه ئه‌م بڕیاره به فه‌رمیی له رۆژی دووشه‌ممه‌ی ئه‌م هه‌فته‌یه‌دا راده‌گه‌یه‌نرێت.
هه‌ڵبه‌ت هاوكات له‌گه‌ڵ راگه‌یاندنی ئه‌م بڕیاره هۆشداری دراوه به هێزه‌كانی ئه‌مریكا سه‌باره‌ت به ئه‌گه‌ری روودانی كرده‌وه‌یه‌ك به مه‌به‌ستی تۆڵه‌سه‌ندنه‌وه له دژی ئه‌مریكا.
شایه‌نی باسه كه ماوه‌یه‌ك به‌ر له ئێستا واشنتن به فه‌رمیی سوپای قودسی سه‌ر به هێزه‌كانی ده‌ره‌وه‌ی سنووری سوپای پاسدارانی خستبووه لیستی گروپه تیرۆریستییه‌كان.
وه‌رگێڕان و داڕشتنه‌وه‌ی / مه‌سعود
سه‌رچاوه / ده‌نگی ئه‌مریكا
کۆمێنت (0)
تا ئێستا هیچ کۆمێنتێک نەکراوە.