ڤیدیۆ.. تۆتنهام لە مانچستەر سیتی بردەوە

شه‌وی رابردوو ، له‌میانى به‌ڕێوه‌چوونى یارییه‌كانى چوون له‌قۆناغى 8 ى خولی یانه‌ پاله‌وانه‌كانى ئه‌وروپا تۆتنهام سه‌ركه‌وتنى به‌سه‌ر مانچسته‌ر سیتى تۆمار كرد 

تۆتنهام له‌یاریگا و له‌به‌رده‌م هه‌وادارانى دا له‌میوانداری كردنى مانچسته‌ر سیتى توانى سه‌ركه‌وتن تۆمار بكات به‌گۆلێكى بێ به‌رامبه‌ر 

له‌تایمی یه‌كه‌می یارییه‌كه‌ وێڕای ئه‌وه‌ى مانچسته‌ر سیتى باشتر ده‌ركه‌وت  به‌ڵام سه‌ركه‌وتوو نه‌بوو له‌تۆماركردنى گۆڵ ، له‌خوله‌كى 13 شدا لێدانێكى سزا بۆ سیتى هه‌ژمار كرا و ئه‌گوێڕۆ سه‌ركه‌وتوو نه‌بوو له‌لێدانه‌ سزاكه‌ و نه‌یتوانى گۆل تۆمار بكات 

له‌تایمی دووه‌می یارییه‌كه‌دا تۆتنهام جیاواز له‌تایمی یه‌كه‌م  گه‌ڕایه‌وه‌ ناو كه‌شى یارییه‌كه‌  و  له‌خوله‌كى 78 دا مین سۆن توانى گۆل بۆ یانه‌كه‌ی تۆمار بكات 

یارییه‌كه‌ش به‌و ئه‌نجامه‌ به‌گۆلێكی بێ به‌رامبه‌ر له‌به‌رژه‌وه‌ندی تۆتنهام به‌كۆتا هات 

یاری گه‌ڕانه‌وه‌ش له‌نێوان هه‌ردوو یانه‌دا له‌ 17 ى 4 ى 2019  له‌یاریگای ئیتحاد تایبه‌ت به‌یانه‌ى مانچسته‌ر سیتى به‌ڕێوه‌ده‌چێت