لەسەر بانگهێشتی کونسوڵخانەی تورکیا لە هەولێر، سێ دامەزراوەی ئابووری و بازرگانیی تورکیا، لە هەولێر، بەشداری لە دووەمین کۆڕبەندی بازرگانی و ئابووریی تورکیا - ههرێمى كوردستان له ههولێر دەکەن.
کۆمەڵەی پیشەسازی و کارسازانی تورکیا - عێراق، لە ڕاگەیاندراوێکدا ئاماژەی بەوە کرد کە هاکان کاراچای، سەرکونسوڵی تورکیا لە هەولێر، بانگهێشتی سێ دامەزراوەی ئابووری و پیشەسازی و بازرگانیی نێو کۆمەڵەکەیانی کردووە، تاوەکو لە ڕۆژانی ٢٠ تا ٢٣ی نیسانی ٢٠١٩دا، بەشداری لە دووەمین کۆڕبەندی ئابووری و بازرگانیی تورکیا - ههرێمى كوردستان بکەن.
ئەوەش ڕوون کراوەتەوە کە لە کۆڕبەندەکەدا پێگەی بازرگانیی هەولێر دەخرێتە بەر باس و سەرۆک وەزیرانی هەرێمی کوردستان و وەزیرانی حکوومەتی هەرێمی کوردستانیش لە نزیکەوە چاویان بە بەشداربووان دەکەوێت. جگە لەوەی کۆمپانیا بازرگانی و پیشەسازییەکانی تورکیا لەگەڵ وەزیرانی هەرێمی کوردستان، دەرفەتێکی باشیان بۆ دەڕەخسێت تاوەکو لە بارەی کاری هاوبەش و گرێبەستی کار، گفتوگۆ بکەن.
کۆمێنت (0)
تا ئێستا هیچ کۆمێنتێک نەکراوە.