ژرار ئارۆ باڵیۆزی فه‌ڕه‌نسا له واشنتن له دوایین رۆژی ئه‌ركه‌كه‌ی له ئه‌مریكا له گفتوگۆیه‌كدا له‌گه‌ڵ رۆژنامه‌ی " ئه‌تڵه‌نتیك "ـی ئه‌مریكیی وتوویه‌تیی ئه‌و پلانه‌ی دۆناڵد ترامپ بۆ ئاشتیی له نێوان ئیسڕائیل و فه‌ڵه‌ستین دایڕشتووه و ناوی لێنراوه " مامه‌ڵه‌ی ئه‌م سه‌ده‌یه " شكست ده‌هێنێت.
ناوبراو له‌مباریه‌وه زیاتر روونیكرده‌وه كه: به راگه‌یاندنی ئه‌و پلانه له داهاتوودا ده‌بینه شایه‌ت بۆ سه‌رهه‌ڵدانی حكومه‌تێكی ره‌گه‌زپه‌رستی فه‌رمیی له ئیسڕائیل.
ناوبراو شیكردنه‌وه‌ی زیاتری خستووه‌ته‌ڕوو و وتوویه‌تیی: من له جارد كۆشنه‌ر كه زاوا و راوێژكاری ترامپه نزیكم، كه ناوبراو داڕێژه‌ری بناغه‌ی ئه‌م پلانه‌یه. هه‌ر بۆیه ئاگام لێیه كه ئه‌م پلانه زۆر له خواستی ئیسڕائیلییه‌كان نزیكه و به‌مشێوه‌یه خواستی ئه‌وان به‌سه‌ر لایه‌نی فه‌ڵه‌ستینییه‌كاندا ده‌سه‌پێنرێ و ئه‌م پلانه دواجار شكست ده‌هێنێت.
به‌ڵام سه‌باره‌ت به ئه‌گه‌ری سه‌ركه‌وتنی پلانه‌كه‌ش ده‌ڵێت: ته‌نیا %1 ئه‌گه‌ری سه‌ركه‌وتنی پلانه‌كه له ئارادایه، ئه‌ویش ئه‌گه‌ر ترامپ بتوانێ زه‌خت بخاته سه‌ر ئیسڕائیلییه‌كان تا هاوسه‌نگیی له به‌رژه‌وه‌ندیی لایه‌نی به‌رامبه‌ریش راگیرێت.
وه‌رگێڕان و داڕشتنه‌وه‌ی / مه‌سعود
سه‌رچاوه / رادیۆ فه‌ڕه‌نسا
کۆمێنت (0)
تا ئێستا هیچ کۆمێنتێک نەکراوە.