راپرسییه‌ك له‌سه‌ر ئه‌نجامی پێشوه‌خته‌ی هه‌ڵبژاردنه‌كانی سه‌رۆكایه‌تی كۆماری ئۆكراین ده‌ریده‌خات كه ڤلادیمێر زیلنسكی كۆمیدیانی ناوداری ئه‌م وڵاته براوه‌ی ئه‌م خوله‌ی هه‌ڵبژاردنه‌كانه و پێترۆ پڕۆشێنكۆ له ئێستاوه شكستی خۆی قبوڵكردووه.
ڤلادیمێر زیلنسكی كه كۆمیدیانێكی ته‌مه‌ن 41 ساڵانی وڵاتی ئۆكراینه له‌سه‌ر ته‌له‌ڤزیۆنه‌كانی وڵاته‌كه‌ی ده‌رده‌كه‌وێت و زیاتر به شۆومان ناسراوه. ناوبراو له هه‌ڵبژاردنه‌كانی ئه‌م خوله‌ی سه‌رۆكایه‌تیی كۆماری وڵاته‌كه‌یدا %73ـی ده‌نگی هاوڵاتییانی به‌ده‌ستهێناوه و به‌گوێره‌ی ئه‌و ئاماره‌ی كه له راپرسییه‌كه به‌ده‌ستهاتووه پڕۆشێنكۆ ته‌نیا %25ـی ده‌نگه‌كانی به‌ده‌ستهێناوه.
شایه‌نی ئاماژه‌یه راپرسییه‌كانی پێشوو ده‌ریخستبوو كه زۆربه‌ی ده‌نگده‌رانی ئۆكراین سه‌باره‌ت به بارودۆخی وڵاته‌كه‌یان ناڕازین و پێده‌چوو هه‌لومه‌رجه‌كه له‌بار بێت بۆ ئه‌وه‌ی له جێگه‌ی پێترۆ پرۆشێنكۆ ده‌نگبده‌ن به ڤلادیمێر زیلنسكی.
وه‌رگێڕان و داڕشتنه‌وه‌ی / مه‌سعود
سه‌رچاوه / یۆرۆ نیوز
کۆمێنت (0)
تا ئێستا هیچ کۆمێنتێک نەکراوە.