دوایین ژماره‌ی قوربانیانی هێرشه‌که‌ی داعش بۆ سه‌ر پۆلیسی فیدراڵی له‌که‌رکوک راگه‌یه‌نرا

له‌ئاكامی هێرشێكی چه‌كدارانی داعش بۆ سه‌رهێزێكی پۆلیسی فیدراڵی عێراق له‌سه‌ر رێگای هه‌ولێر- كه‌ركوك سێ پۆلیس كوژران و  دوو پۆلیسی دیكه‌ش برینداربوون.

شه‌وی رابردوو چه‌كدارانی داعش هێرشێكیان كرده‌ سه‌ر هێزێكی پۆلیسی فیدراڵی له‌ ناوچه‌ی شوان له‌ نێوان رێگای هه‌ولێر- كه‌ركوك و له‌ئاكامدا پێنج پۆلیس كوژران و بریندار بوون.

دوای رووداوه‌كه‌ش هێزێكی ئه‌منی شوێنه‌كه‌یان گه‌مارۆداوه‌و برینداره‌كان به‌ مه‌به‌ستی چاره‌سه‌ری ره‌وانه‌ی نه‌خۆشخانه‌ كراون و ته‌رمه‌كانیش هه‌ڵگیراونه‌ته‌وه‌و ره‌وانه‌ی پزیشكی دادی كراون.

وه‌رگێڕان و داڕشتنه‌وه‌ی / رزگار

 سه‌رچاوه‌ / میدیای عێراق