کاپتنى لێڤه‌رپول: ساڵی پار به‌رامبه‌ر ریال دوچاری شکست هاتین بۆیه‌ به‌رپرسیاریه‌تی 2 دۆڕان قورسه‌

له‌یاری كۆتایی خولی یانه ‌پاڵه‌وانه‌كانی ئه‌وروپا هه‌ردوو یانه‌ی لیڤه‌رپول و تۆتنهامی ئینگلیزی رووبه‌رووی یه‌ك ده‌بنه‌وه‌، به‌ر له‌ئه‌نجامدانی ئه‌م یاریه‌ له‌لێدوانێكی ڕۆژنامه‌وانیدا جۆردان هندرسۆن كاپتنی یانه‌ی لیڤه‌رپول رایگه‌یاند ئه‌وه ‌دووه‌م یاری كۆتایی چامپیۆنز لیگه ‌دوای ئه‌وه‌ی پار ساڵ له‌به‌رامبه‌ر ریال مه‌درید دووچاری دۆراندن بوینه‌وه‌، بۆیه ‌به‌رپرسیاریه‌تی دۆڕانی دوو یاری كۆتایی ئه‌سته‌مه‌، ده‌رباره‌ی له‌ده‌ستدانی نازناوی پریمه‌رلیگ هندرسۆن وتی ناتوانین ئه‌وه‌ی له‌خولی ئینگلیزی روویدا بیگۆرین، به‌ڵام یاری كۆتایی چامپیۆنز لیگمان له‌پێشه‌پێویسته‌ به‌ئاسانی له‌ده‌ستی نه‌ده‌ین، ئێمه‌ ده‌مانه‌وێت ئه‌م وه‌رزه‌ به‌بردنه‌وه‌ی نازناوه‌كه ‌كۆتایی به‌چامپیۆنز لیگ بهێنین.