ته‌ندروستى هه‌ولێر راگه‌یاندراوێکى له‌سه‌ر ئه‌و که‌سه‌ بڵاوکرده‌وه‌ که‌له‌کاتى نه‌شته‌رگه‌ری گیانی له‌ده‌ستدا

له‌راگه‌یاندراوێكدا كه‌وێنه‌یه‌ك بۆ ماڵپه‌ری كوردستان تیڤى نێردراوه‌ ،بەڕێوەبەرایەتی گشتیی تەندروستیی هەولێر روونكردنه‌وه‌ له‌سه‌ر ئه‌و كه‌سه‌ ده‌دات كه‌له‌رۆژانى رابردوو له‌یه‌كێك له‌نه‌خۆشخانه‌كان له‌هه‌ولێر به‌هۆی ئه‌نجامدانى نه‌شته‌رگه‌رییه‌وه‌ گیانى له‌ده‌ستدا

ته‌ندروستى هه‌ولێر رایده‌گه‌ێنێت ،  بەھۆی گیانلەدەستدانی ھاوڵاتی خوالێخۆشبوو (شوان که‌ریم فاتح) دوای ئەنجامدانی نەشتەرگەریەکانی گەدە بەمەبەستی لاوازبوون لەیەکێک لە نەخۆشخانە تایبەت (ئەھلی)کانی شاری ھەولێر، بەڕێوەبەرایەتی گشتی تەندروستی ھەولێر وێڕای دڵگرانی و سەرەخۆشی لە خانەوادەکەیان، لەلایەن تیمی بەدوداچوون و یاسایی ئەم بابەتە بە ھەند و گرنگ وەردەگیرێت، بەمەش سەردانی مەیدانی نەخۆشخانە تایبەتەکە دەکرێت و تەواوی دۆکیمێنت و پەڕاو و (گبلە)ی نەخۆش ڕەوانەی بەشی یاسایی کرا و لە بەڕێوەبەرایەتی گشتی تەندروستی ھەولێر بڕیاری کردنەوەی دۆسیەی لێکۆڵینەوە دراد
 
ته‌ندروستى هه‌ولێر ده‌شڵێت ،  لێژنەیەکی پسپۆڕی ڕاوێژکاری پێکدەھێنرێت بە ھەماھەنگی دادگا و ئامادەبوونی نوێنەری داواکاری گشتی و سەندیکای پزیشکان بۆ لێکۆڵینەوە لە کەیسی گیانلەدەستدانی خواڵێخۆشبوو.

راشیده‌گه‌یه‌نن ، ھاوڵاتیان و ڕای گشتی دڵنیا دەکەینەوە کە ھەموو ڕێککارەکان پاڵپشت بە یاسا و ڕێنمایی و بنەما زانستیەکان دەبێت.

دارشتنه‌وه‌ى هه‌واڵ - شوان عه‌زیز