لهراگهیاندراوێكدا كهوێنهیهك دهست ماڵپهری كوردستان تیڤى كهوتووه ، بهڕێوهبهرایهتى پۆلیسی راپهرین ڕایدهگهێنێت ، کاتژمێر 12:30 خولەکی نیوەڕۆی ئەمڕۆ پێنجشهممه 6 ى6 ى 2019 ، تەرمی هاوڵاتیەک بەناوی ( خ . پ . ح ) ڕەگەزی نێر، لەدایک بووی ساڵی 1954 پیشەی کاسب، دانیشتووی گوندی (دەرگەڵە) سەر بە ناحیەی ژاراوە گەیەندرایە نەخۆشخانەی گشتی قەڵادزێ.
پۆلیس دهشڵێت ئەو هاوڵاتیە شوان بووە و لە ڕوباری گوندی ( مارەدوو ) لە بناری قەندیل لەئاودا خنکاوە، پاش توێکاری بۆ تەرمەکەی ڕادەستی کەسوکاری کرایەوە، پهڕاوی لێکۆڵینەوە بۆ ڕووداوەکە کراوەتەوەو لێکۆڵینەوەش بەردەوامە.
دارشتنهوهی ههواڵ - شوان عهزیز
کۆمێنت (0)
تا ئێستا هیچ کۆمێنتێک نەکراوە.