پێشنیوهڕۆی ئهمڕۆ پێنج شهممه له بهردهم قوتابخانهیهكی شاری دهۆك كه تاقیكردنهوه گشتییهكانی پۆلی 12ی تێدا ئهنجام دهدرا تهقه له قوتابییهك كراو بریندار كرا.
لهم بارهیهوه پهیامنێری كوردستان تیڤی ڕایگهیاند: له بهردهم قوتابخانهی مێردین، له گهڕهكی تاخی بهڕۆشكی شاری دهۆك تهقه له قوتابییهكی پۆلی 12 كراو بههۆیهوه بریندار بوو.
ڕاشیگهیاند: به پێی زانیارییهكان قوربانییهكه تهمهنی 38 ساڵه و تاقی كردنهوهی دهرهكی پۆلی 12ی ئهنجام داوه و دوای هاتنه دهرهوهشی له دهرگای قوتابخانه ئۆتۆمبیلێكی ڕهش له بهردهم قوتابخانهكه وهستابوو و 3 كهسی لهناودابووه و ڕاستهوخۆ دهستڕێژی گولـلهیان كردووهته سهر قوتابییهكه و ههڵاتوون، له ئهنجامی تهقهكردنهكهش قوتابییهكه بریندار بووه و به برینداری له ناو حهوشهی قوتابخانهكه له ترسی مهرگ خۆی شاردووهتهوه.
له بارهی ڕووداوهكهوه هێمن سلێمان، گوتهبێژی پۆلیسی پارێزگای دهۆك به كوردستان تیڤی ڕاگهیاند: ڕووداوهكه له ئهنجامی دوژمنداری له نێوان دوو بنهماڵهدا ڕوویداوه و كێشهی خوێنداری ههبووه له نێوانیان.
ڕاشیگهیاند: ههردوو بنهماڵهكه دانیشتووی قهزای ئاكرێن و تهقهكهرهكانیش ناسراون و پۆلیس بهدوایاندا دهگهڕیێت تا دهستگیریان بكات.
گوتهبێژی پۆلیسی دهۆك ههروهها ڕاشیگهیاند: بههۆی تهقهكهوه جگه له برینداربوونی قوتابیهكه لایهكی دیواری قوتابخانهكه ڕووخاوه و ئۆتۆمبیلی ناوبراویش ئاسهواری چهندان فیشهكی پێوه دیاره، ههروهها ئۆتۆمبیلی هاوڵاتییهكی دیكه كه له تهنیشت قوتابخانهكه ڕاگیرابوو زهرهری ماددی بهر كهوتووه چهند فیشهكێكی بهر كهوتووه.
له بارهی تهندروستی قوتابییه بریندارهكهشهوه ڕایگهیاند: دوای چارهسهری پێویست له نهخۆشخانهی فریاكهوتنی دهۆكـ ناردراوهتهوه ماڵهوه و ئێستاش باری تهندروستی جێگیره.
کۆمێنت (0)
تا ئێستا هیچ کۆمێنتێک نەکراوە.