ناهیده ره‌فیق حیلمی، نووسه‌ر و لێكۆڵه‌ر دوای ململانێیه‌كی زۆر له‌گه‌ڵ نه‌خۆشییه‌كی كوشنده، له شاری سلێمانی كۆچی دواییكرد.
ناهیده ره‌فیق حیلمی جگه‌له‌وه‌ی نووسه‌ر و لێكۆڵه‌رێكی به‌توانابوو، كچی ره‌فیق حیلمی، سه‌رۆكی حیزبی هیوا بوو.
ناهیده یه‌كێك بووه له‌و ژنه ده‌گمه‌نانه‌ی كورد كه له ساڵانی په‌نجاكانی سه‌ده‌ی رابردوو به مه‌به‌ستی خوێندن سه‌ردانی ئه‌مریكا و زۆرێك له وڵاتانی دنیای كردووه و چه‌ندین زمانی زیندووی جیهانی زانیووه.
به‌م بۆنه‌یه‌وه سه‌رۆكی هه‌رێمی كوردستان پرسه و سه‌ره‌خۆشی ئاراسته‌ی خانه‌واده‌ی ناهیده ره‌فیق حیملی و كه‌سوكار و دۆستانی ده‌كات، ده‌ڵێت "خوای گه‌وره خوالێخۆشبوو به به‌هه‌شتی خۆی شادبكات و له‌دڵه‌وه هاوسۆز و هاوخه‌متانین".
كوردستان تیڤی / كامران
کۆمێنت (0)
تا ئێستا هیچ کۆمێنتێک نەکراوە.