دۆزینه‌وه‌ی ته‌رمی ئه‌و باوكه و كچه كاردانه‌وه‌یه‌كی گه‌وره‌ی به‌دوای خۆیدا هێناو ئازارو مه‌ینه‌تی رۆژانه‌ی كۆچبه‌رانی بۆ جیهان خسته روو.
به‌پێی هه‌واڵی ئاژانسی ئه‌سیوشه‌یتد پرێس ته‌رمه‌كان هی باوكێكی سلڤادۆریی و كچه دوو ساڵانه‌كه‌یه‌تی كه‌باوكه‌كه له‌نێو تێشێرته ره‌شه‌كه‌یدا حه‌شاری دابوو ، رۆژی دووشه‌ممه‌ش له نزیك ناوچه‌ی ماتامۆرۆس له‌وبه‌ری رووباری براونسفێڵ له تكساس دۆزراونه‌ته‌وه.
وێنه‌كه له‌لایه‌ن رۆژنامه‌س جۆلیا لیدۆك كه له مه‌كسیك نیشته‌جێیه گیراوه، له وێنه‌كه‌شدا كچه منداڵه‌كه ده‌رده‌كه‌وێ كه چۆن ده‌ستی خستۆته سه‌ر ملی باوكی، ئه‌مه‌ش تیشك ده‌خاته سه‌ر قه‌یرانه‌كانی ئێستای سه‌رسنووری نێوان مه‌كسیك و ئه‌مریكا.
وێنه‌كه هه‌مان ئه‌و وێنه‌یه‌ی ئالان كوردیمان وه‌بیر دێنێته‌وه كه له ساڵی 2015 به‌خنكاویی له كه‌ناراوه‌كانی توركیا دۆزرایه‌وه.
وه‌رگێڕان و دارِشتنه‌وه‌ی / رزگار
سه‌رچاوه /cnn
کۆمێنت (0)
تا ئێستا هیچ کۆمێنتێک نەکراوە.