بۆچی ده‌ست ده‌له‌رزێت و سڕ ده‌بێت ؟

هه‌ندێك كه‌س ھه‌ست به‌ بێھێزی و لاوازی ده‌كات له‌ ده‌ستیدا یاخود قۆڵه‌كانی، ناتوانێت شتی قورس ھه‌ڵگرێت، یاخود له‌ده‌ستی ده‌كه‌وێته‌ خوارێ، ھه‌ست به‌سڕی په‌نجه‌كانی و ده‌رزی ئاژه‌نین ده‌كات تێیدا

گرنگترین ھۆكاره‌كانی:

1-كه‌می ڕێژه‌ی ڤیتامین بی له‌له‌شدا، كه‌ئه‌ویش ڤیتامین بی1 ، بی 6، بی 12، به‌ڵام زیاتر كه‌می بی 12 كاریگه‌ری ھه‌یه‌.

2-نه‌خۆشی شه‌كره‌ .

3-نه‌خۆشیه‌كانی تێكچوونی غوده‌ی ده‌ره‌قی.

4-چاره‌سه‌ر به‌ تیشك له‌و كه‌سانه‌ی نه‌خۆشی شێرپه‌نجه‌یان ھه‌یه‌.

5-بوونی فشار له‌سه‌ر ده‌ماره‌كان، به‌ھۆی ئینزلاقی دیسكی بڕبڕه‌كانی پشت و مل بێت یاخود داخورانی جومگه‌كان، یان بوونی فشار له‌سه‌ر ده‌مار له‌ناوچه‌ی مه‌چه‌ك كه‌پێ ده‌وترێت كارپه‌ل تونیل سیندروم، یاخود له‌ قوله‌پێ كه‌پێ ده‌وترێت تارسه‌ڵ تونیل سیندرۆم .

6-نه‌خۆشییه‌كانی جگه‌ر.

7-ھه‌ندێك ھۆكاری تر ھه‌یه‌، وه‌كو جگه‌ره‌كێشان، خواردنه‌وه‌ی زۆری شله‌مه‌نییه‌ ووریاكه‌ره‌وه‌كان وه‌كو چا، قاوه‌، خواردنه‌وه‌ی مادده‌ كهولیه‌كان.

نیشانه‌كانی چین ؟

1-له‌رزینی زۆر له‌ ده‌ست و قاچ دا.

2-ھه‌ستكردن به‌ سڕی و ده‌رزی ئاژه‌نین له‌ له‌ش دا.

3-ھه‌ستكردن به‌ بێھێزی ماسولكه‌كان و به‌ندكردن و قورسی له‌ چوار په‌ل دا.

چۆن چاره‌سه‌ری ده‌كه‌یت ؟

بێگومان جۆره‌ها چاره‌سه‌ری جیاوز هه‌یه‌، به‌ڵام گرنگه‌ سه‌ردانی پزیشكی پسپۆڕ بكه‌یت به‌رله‌ هه‌موو هه‌نگاوێك، له‌ رێگای ده‌رمان یان چاره‌سه‌ری سروشتی یاخود وه‌رزش و سیستمی خۆراكی ته‌ندروسته‌وه‌ كۆتایی به‌م گرفته‌دێت.

1-خواردنی ئه‌و جۆره‌ خۆراكانه‌ی كه‌ ڤیتامین بی1، بی6، بی12 ی تێدایه‌، كه‌یارمه‌تی به‌ھێزكردنی ده‌ماره‌كان ده‌دات وه‌كو ، نیسك، ماسی، ھێلكه‌، جگه‌ری مانگا، گۆشت، كیوی، سپێناخ، مۆز، خورما، شلك.

2-كه‌مكردنه‌وه‌ی ئه‌و خواردنه‌وانه‌ی كه‌ كافاینیان تێدایه‌، وه‌كو چا، قاوه‌، خواردنه‌وه‌ گازییه‌كان.

3-وازھێنان له‌ جگه‌ره‌كێشان و خواردنه‌وه‌ كھولیه‌كان.

4-ئه‌نجامدانی وه‌رزش، چونكه‌ وه‌رزش سوڕی خوێن چالاك ده‌كات، لێدانی دڵ ڕێكده‌خات، ئه‌مه‌ش ده‌بێته‌ھۆی به‌ھێزكردنی ده‌ماره‌كان، ده‌توانیت ئه‌و جۆره‌ وه‌رزشانه‌ بكه‌یت كه‌ ده‌ماره‌كانی ده‌ست و قاچ به‌ھێز ده‌كات، هاوكات ماسولكه‌كان به‌ھێز ده‌كات.

5-خه‌وتن به‌ڕێكی و له‌كاتی خۆیدا بۆ ماوه‌ی 6-8 كاتژمێر، بێھێزی ده‌مار چاك ده‌كات.

6-ھێوركردنه‌وه‌ی باری ده‌روونی ئه‌ویش به‌ ئه‌نجامدانی یۆگا و میدیته‌یشن و ده‌رزی چینی .

7-ھه‌ندێكجار وه‌رگرتنی ئه‌و سه‌پلیمێنتانه‌ی كه‌ ڤیتامین بییه‌كانیان تێدایه‌كاریگه‌ری باشی ھه‌یه‌ وه‌كو (B1, B6, B12).

8-وه‌رگرتنی دژه‌ ھه‌وكردنه‌كان به‌تایبه‌تی (NSAI)، یان ھێوركه‌ره‌وه‌كان و دژه‌ په‌ركه‌مه‌كان كاریگه‌ریان ھه‌یه‌ له‌سه‌ر چالاككردنی ده‌ماره‌كان، به‌ڵام له‌ ژێر چاودێری پزیشك.

سه‌رچاوه‌/خۆت پزیشكی خۆت به‌

كوردستان تیڤی/كامران