سه‌رۆكی ئه‌مریكا له بریارێكی نوێدا سزاکانی لەسەر کۆمپانیای هواوی هەڵگرت و ڕێگەدەدات کۆمپانیا ئەمریکیەکان ئاڵوگۆڕە بازرگانیەکانیان لەگەڵ چین دەستپێبکەنەوە.
دواجار دۆناڵد ترەمپ سەرۆكی ئەمریكا لە پەراوێزی كۆبوونەوەكانی لوتكەی گروپی (جی بیست) لە ئۆساكای ژاپۆن و لە دوای وتوێژی لەگەڵ سەرۆكی چین، بڕیاریدا ئەو سزایانە هەڵبگرێت كە لەلایەن ئەمریكاوە بەسەر كۆمپانیای (هواوی)ی چینیدا سەپێنرابوون.
لەبارەی لابردنی ئەو سزایانە لەسەر کۆمپانیای هواوی چینی دەڵێن، ترەمپ و شینگپینگ لە لوتکەی جی 20 لە ژاپۆن، ڕێککەوتوون لەسەر ئەوەی دووبارە ئاڵوگۆڕە بازرگانیەکانیان دەستپێبکاتەوە، چونکە ئابووری ئەو دوو وڵاتە بەرەو کزی چووبوو لە ئەنجامی ئەو سزایەی ئەمریکا بەسەر کۆمپانیای هواوی چینیدا سەپاندبووی.
پێشتر وەزارەتی بازرگانی ئەمریكا ڕایگەیاندبوو، هواوی تەكنەلۆجیز و 70 كۆمپانیای سەر بە هواوی خستۆتە لیستی ئەو كۆمپانیایانەی كە بەبێ وەرگرتنی ڕەزامەندی حكومەت نابێت لەلایەن كۆمپانیا ئەمریكاییەكانەوە مامەڵەیان لەگەڵ بكرێت.
لەماوەی رابردوو دۆناڵد ترەمپ بە بڕیارێک رێگری لە کۆمپانیای هواوی گرت مامەڵە لەگەڵ کۆمپانیا ئەمریکییەکاندا بکات و بەرهەمەکانی ساغ بکاتەوە، کە بە وتەی سەرۆکەکەی ئەمریکا هواوی بە سیخوڕیی کردن تۆمەتبار کردووە.
کۆمێنت (0)
تا ئێستا هیچ کۆمێنتێک نەکراوە.