به‌پێی هه‌واڵێكی ئه‌لعه‌ره‌بییه باڵیۆزخانه‌ی سعوودیه له توركیا هۆشداری داوه‌ته هاووڵاتیانی له كرده‌وه‌ی گیرفان برین و دزینی پاسه‌پۆرت و پاره‌كانیان له هه‌ندێك ناوچه‌ی توركیا.
باڵیۆزخانه‌ی سعوودیه له راگه‌یه‌نراوێكدا ده‌ڵێت: له رێگای كاسانێكی نه‌ناسراو ، له‌هه‌ندێك ناوچه‌ی توركیا هاووڵاتیانمان تووشی گیرفان و بڕین و دزینی پاسه‌پۆرت و پاره‌كانیان بوونه‌ته‌وه.
هه‌روه‌ها باڵیۆزخانه‌ی سعوودیه له توركیا داوای له هاووڵاتیانی كردووه كه پارێزگاری له پاسه‌پۆرت و شته‌گرانبه‌هاكانیان بكه‌ن و خۆیان له شوێنی قه‌ره‌باڵغ به‌دوور بگرن، داواش ده‌كات هه‌ركاتێك تووشی رووداوێكی له‌ناكاو بوونه‌وه، دوو دڵ نه‌بن له سه‌ردانیكردنیان بۆ باڵیۆزخانه‌ی ئه‌نقه‌ره‌و كونسولخانه‌كه‌یان له ئه‌ستنبوڵ.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.