لە کۆلیژی سەربازی زاخۆ ناو نووسین ده‌ستیپێکرد

وەزارەتی پێشمەرگەی حكومەتی ھەرێمی كوردستان ئاشكرای دەكات، كە ناو نووسین دەستی پێ كردووە بۆ وەرگرتنی خەڵكی مەدەنی و ھێزی پێشمەرگە لە كۆلیژی سەربازی زاخۆ و دەشڵێت: ماوەی خوێندن دوو ساڵە و دەرچووانی ئەو كۆلیژە ڕاستەوخۆ لە ڕیزەكانی پێشمەرگەدا دەبنە ملازم.

بەڕێوەبەری گشتیی ڕاگەیاندنی وەزارەتی پێشمەرگەی حکوومەتی ھەرێمی کوردستان گوتی، ناونووسین دەستی پێ کردووە بۆ وەرگرتنی خەڵکی مەدەنی و ھێزی پێشمەرگە لە کۆلیژی سەربازیی زاخۆ کە ماوەی دوو ساڵە و دەرچووانی ئەو کۆلیژە ڕاستەوخۆ لە ڕیزەکانی پێشمەرگەدا دەبنە ملازم و بۆ ھێزی پێشمەرگە کۆمەڵێک ئاسانکاری کراوە و ناونووسینیش تا پێش کۆتاییی ئەم مانگە بەردەوام دەبێت.

بەڕێوەبەری گشتیی ڕاگەیاندنی وەزارەتی پێشمەرگەی حکوومەتی ھەرێمی کوردستان، لیوا بەکر فەقێ ، به‌ ماڵپەڕی فەرمیی پارتی دیموکراتی کوردستان راگه‌یاندووه‌ ناونووسین بۆ وەرگرتن لە کۆلیژی سەربازیی زاخۆ دەستی پێ کردووە و بۆ ماوەی دوو ساڵ دەبێت و دەرچووانی ئەو زانکۆیەش پلەی ملازمیان پێ دەدرێت و ھێزی پێشمەرگەش مافی ئەوەی ھەیە خۆی ناونووس بکات و لەو زانکۆیە وەربگیرێت و ئاسانکاریی زۆریان بۆ کراوە.

دەشڵێت: ئەوانەی مەدەنین پێویستە دەرچووی زانكۆ بن و تەمەنیشیان دیاری كراوە، بەڵام بۆ ھێزی پێشمەرگە ئەگەر دەرچووی پەیمانگاش بێت و تەمەنیشی گەورە بێت دەتوانیت لەو كۆلیژنە ناوی تۆمار بكات و ماوەی دوو ساڵ دەوام بكات، دەبێتە ملازم لە ڕیزەكانی ھێزی پێشمەرگەدا.

لیوا بەکر فەقێ گوتیشی: پێویستە ئەوانەی مەدەنین لەدایکبووی ساڵی 1994 بۆ سەرەوە بن و دەرچووی زانکۆش بن و لە لیژنەی پشکنین دەربچن و نەشتەرگەرییان بۆ نەکرابێت و ھیچ تاوانێکیشیان نەکردبێت، بەڵام بۆ پێشمەرگە ئەو مەرجانەی نییە و ئاسانکاریی زۆریان بۆ کراوە، بۆ ئەوەی بچن لەو کۆلێژە ناویان تۆمار بکەن و ئەو پلەیە وەربگرن.
 
فەقێ باسی لەوەش کرد: لە 1تا 8ی ئەم مانگە بۆ پارێزگای دھۆکە، لە 8 بۆ 12ی مانگ بۆ ھەولێرە، لە 13 بۆ 20ی مانگ بۆ سلێمانییە و لە 20 بۆ 26 مانگیش بۆ پارێزگای کەرکووکە. ئەوانەی دەیانەوێت ناویان تۆمار بکەن بۆ ورگیران لەو کۆلیژە سەربازییە، لەو ڕۆژانەدا دەتوانن ناویان تۆمار بکەن.