هونه‌رمه‌ند كاروان حه‌مید حه‌لاق كه ئێستا له‌وڵاتی هۆڵندا ده‌ژیت ،یه‌كێكه له‌وهونه‌رمه‌ندانه‌ی به‌چڕی كاربۆهونه‌ری كوردی وپاراستنی ڕه‌سه‌نایه‌تی ده‌كات وهه‌میشه به‌جلی كوردی له‌چالاكییه‌كان ده‌رده‌كه‌وێیت .
كاروان ئه‌م جاره به‌رهه‌مێكی هاوبه‌شی هه‌یه كه گۆرانیه‌كی هونه‌رمه‌ندی گه‌وره مه‌زهه‌ری خالقییه،بۆ ئه‌م مه‌به‌سته به رۆژنامه‌ی خه‌باتی راگه‌یاند : كاری ئه‌م جاره‌مان گۆرانی كه ده‌ڵێن ئه‌مڕۆ ده‌شت و كێو شینه‌یه،به‌ڵام به شێوه‌ی جیاواز به‌رهه‌م مان هێناوه ئه‌م گۆرانییه به چه‌ند زمانێكی جیاواز گوتراوه كه وه‌ك: كوردی، عه‌ره‌بی، توركی ، یۆنانی هه‌ر میله‌ته و به موڵكی خۆی ده‌زانێ، دوایی گفتوگۆ و قسه كردنێكی زۆر له‌سه‌ر سه‌ره‌تایی دروست بوونی ئه‌م گۆرانی یه، به‌ڵام هیچ كاممان دانمان نه‌نا به‌وی دیكه‌مان و نكۆڵیمان كرد له‌وه‌ی موڵكی میله‌تێكی تر بێت بۆیه بڕیارمان دا پارچه‌كانی ئه‌م گۆرانی یه كۆبكه‌ینه و بیكه‌ین به گۆرانییه‌كی هاوبه‌ش و سه‌رنج ڕاكێش تا زۆرترین گوێگری هه‌بێت. هونه‌رمه‌ند زیاتر گوتی:من وه‌ك كاروان حه‌مید حه‌لاق، نازانم مێژووی دروست بونی ئه‌م گۆرانییه بۆ كێ و بۆ كه‌ی ده‌گه‌ڕێته‌وه ،به‌ڵام من مامۆستامه‌زهه‌ری خالقی به خاوه‌نی ئه‌م گۆرانییه ده‌زانم.
بیرۆكه‌ی ئه‌م كاره هاوبه‌شه كاروان حه‌مید حه‌لاق ده‌ڵێت: بیرۆكه‌ی ئه‌م كاره‌م لا دروست بوو كه به هاوبه‌شی و به چه‌ند زمانێكی جیاواز وه‌ك زمانی كوردی و عه‌ره‌بی و توركی و یۆنانی ئه‌م كاره به‌رهه‌م بێنین و وه‌ك و خۆی بیهێڵینه‌وه ره‌سه‌نایه‌تی تێدا بپارێزین، به‌ڵام به شێوازێكی هاوچه‌رخ و ستایلێكی نوێ.كاری ئه م به‌رهه‌مه له ستۆدیۆی یاد میدیاوه به‌رهه‌م هێنراوه له وڵاتی هوڵه‌ندا ،كه خاوه‌نی كه‌ی هونه‌رمند باڤڵ سه‌رهه‌نگه و كاری موزیك و ڤیدیۆش له‌لایه‌ن ستودیۆی یادمیدیاوه كراوه. سوباس بو ئه‌و كه‌سانه‌ی هه‌ر له‌سه‌ره‌تاوه له‌م پرۆژه‌یه‌دا هاوكار بون كه بریتین له 10 هونه‌رمه‌ندی كورد و بیانی.
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.