بنه‌ماڵه‌ی ئیسماعیل خورماڵی شاعیر ده‌نگۆی كۆچی دوایی ئیسماعیل خورماڵی ره‌تده‌كه‌نه‌وه و رایده‌گه‌یه‌نن كه باری ته‌ندروستی زۆرباشه و ئه‌و ھه‌واڵه‌ی بڵاوبووه‌ته‌وه دووره له راستیه‌وه.
سه‌یوان عوسمان، برازای ئیسماعیل خورماڵی به كوردستان24ی راگه‌یاند: "له چه‌ند كه‌ناڵێك و تۆڕه كۆمه‌ڵایه‌تییه‌كان ھه‌واڵی كۆچی دوایی مامم بڵاوكراوه‌ته‌وه، به‌ڵام ئه‌وه دووره له راستییه‌وه و ئه‌مڕۆ په‌یوه‌ندیمان پێوه كردووه و ته‌ندروستی زۆر باشه".
ئاماژه‌ی به‌وه‌شكرد: "ئیسماعیل خورماڵی ئێستا له سلێمانییه و ئه‌مڕۆ قسه‌مان له‌گه‌ڵ كردووه".
سه‌با ئه‌حمه‌د، به‌ڕێوه‌به‌ری راگه‌یاندن و په‌یوه‌ندییه‌كانی به‌ڕێوه‌به‌رایه‌تی رۆشنبیری و ھونه‌ری رایگه‌یاند: "له ھه‌ندێك شوێن بڵاوكراوه‌ته‌وه كه ئیبراھیم برای ئیسماعیل خورماڵی كۆچی دوایی كردووه، به‌ڵام ئه‌و ھه‌واڵه‌ش راست نییه".
شایانی باسه ئیسماعیل خورماڵی یه‌كێكه له شاعیره دیاره‌كانی كورد، خاوه‌نی چه‌ندین به‌رھه‌می شیعرییه و شیعره‌كانی له‌لایه‌ن ژماره‌یه‌ك له گۆرانیبێژانه‌وه كراون به گۆرانی.
سه‌رچاوه/ كوردستان24
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.