پشتی كو حازم تهحسین بهگ وهك میرێ ئێزیدیان هات دهستنیشان كرن و ب فهرمی هات راگههاندن، ئیرۆ ل هۆلا حوسێن بابه شێخ تهخ و چینێن جودا ب مهرهما پیرۆزباهی كرنێ سهرهدانا میر حازم تهحسین بهگ كرن.
وهلاتی و پێكهاتێن ئۆلی سهرباری دلخوهشی، هێڤی یا سهركهتنێ ژێ ره خوهستن، ههروها ههر یهك ژ بهرپرسێن تایێن دهھ و چاردهھ و حهڤدهھ و بیستێن پارتی یا دهمۆكراتا كوردستانێ ب مهرهما پیرۆزباهی كرن سهرهدانا میر حازم تهحسین بهگ كرن و هێڤی یا سهركهتنێ د ئهركێ نوو ده ژێ ره خوهستن و ژێ ره داخواز كرن خزمهتا وهلاتی یێن ههرێما كوردستانێ بێ جوداهی بكه.
ژبال خوه ڤه ژی میرحازم تهحسین بهگ د پهیڤهكێ ده ژبۆ كوردستان تیڤی راگههاند، سوپاسی سهرۆك بارزانی و نێچیرڤان بارزانی سهرۆكێ ههرێما كوردستانێ و مهسرور بارزانی سهرۆك وهزیرێ ههرێما كوردستانێ دكم كو پشتهڤان و ئالیكار بوونه ژبۆ دانینا میرێ ئێزدیان.
گۆت ژی، تهڤی حكوومهتا ههرێما كوردستانێ كار دكهین ژبۆ باشتركرنا رهوشا ئێزدیان و ڤهگهریانا ئاواره و ئاڤهدانكرنا شنگالێ. میرێ ئێزدیان گۆت ژی لگۆری ماددهیا سهد و چل یا دهستوورێ پێویسته حكوومهتا عیراقێ چارهسهری یا رهوشا شنگالێ بكهت.
کۆمێنت (0)
تا ئێستا هیچ کۆمێنتێک نەکراوە.