ئامارێکی نوێی قوربانیان و رزگاربووانی ئێزدی راگه‌یه‌ندرا

نووسینگه‌ی رزگاركردنی رفێندراوانی ئێزدی ئامارێكی نوێی قوربانیان و رزگاركراوانی ئێزدی بڵاو كرده‌وه‌، بەگوێرەی ئاماره‌كه‌ش لە دوای هێرشی داعش بۆ سەر شنگال و دەوروبەری تا ئێستا 3 هەزار و 509 كەس ڕزگاركراون.

ده‌قی ئاماره‌كه‌:

-ژماره‌ی ئێزدییه‌كان له‌ عێراق، 550 هه‌زار كه‌س.

-ژماره‌ی ئاواره‌كان به‌ هۆی په‌لاماری داعشه‌وه‌: 360 هه‌زار كه‌س.

-ژماره‌ی شه‌هیدانی رۆژانی یه‌كه‌می په‌لاماری داعش بۆ سه‌ر شنگال: یه‌ك هه‌زار و 293 شه‌هید.

-ژماره‌ی منداڵانی بێ باوك: 2 هه‌زار و 745 منداڵ.

-ژماره‌ی ئه‌و گۆڕه‌ به‌ كۆمه‌ڵانه‌ی تا ئێستا ئاشكرا بوون: 80 گۆڕی به‌ كۆمه‌ڵن.

-ژماره‌ی مه‌زارگه‌ و شوێنه‌ ئاینییه‌كان كه‌ ته‌قێندراونه‌ته‌وه‌: 68 مه‌زارگه‌.

-ژماره‌ی ئه‌وانه‌ی ره‌ویان كردووه‌ بۆ ده‌ره‌وه‌ی وڵات: زیاتر به‌ 100 هه‌زار كه‌س مه‌زنده‌ ده‌كرێن.

-ژماره‌ی رفێندراوه‌كان: 6 هه‌زار و 417 كه‌س. ره‌گه‌زی مێ: 3 هه‌زار و 548  و ره‌گه‌زی نێر: 2 هه‌زار و 869 كه‌س.

-ژماره‌ی رزگاربووان له‌ ده‌ستی داعش به‌م جۆره‌یه‌:

كۆی گشتییان: 3 هه‌زار و 509 كه‌س.

له‌و ژماره‌یه‌ش: یه‌ك هه‌زار و 192 كه‌سیان ئافره‌ت و 337 كه‌سیان پیاون.

كچانی منداڵ: هه‌زار و 33 منداڵ.

كوڕی منداڵ: 947 منداڵ.

ژماره‌ی ئه‌وانه‌ی ماونه‌ته‌وه‌: 2 هه‌زار و 908 كه‌س. له‌و ژماره‌یه‌ش هه‌زار و 323یان ئافره‌ت و هه‌زار و 585 كه‌سیان له‌ ره‌گه‌زی نێرن.

شایه‌نی باسه‌ رێكخراوی تیرۆریستی داعش دوای ئه‌وه‌ی موسڵی داگیركرد، هێزه‌كانی عێراقی له‌م شاره‌ كشانه‌وه‌، له‌ ئابی 2014، هه‌ڵیانكوتایه‌ سه‌ر شارۆچكه‌ی شنگال و داگیریان كرد و به‌وهۆیه‌وه‌ ده‌یان هه‌زار هاووڵاتی كوردی ئێزدی ئاواره‌بوون و هه‌زارانی دیكه‌ ده‌ستبه‌سه‌ركران و كۆمه‌ڵكوژیكران و زیاتر له‌ سێ هه‌زار ئافره‌تی ئێزدیش كرانه‌ كه‌نیزه‌ك و له‌ بازاڕه‌كانی كۆیله‌ فرۆشی له‌ موسڵ و ره‌ققه‌ كڕین و فرۆشتنیان پێوه‌كرا.