ئەیاد نوری/ زاخۆ.. لزاخو دوو کەس ب دەست درێژیا گولەیان ھاتنە بریندارکرن.
ژێدەرەک ژ نەخوشخانا زاخو تایبەت بو کودستان تیڤی دیارکر بەریا دەمەکێ کێم دوو کەس ب برینداری گەھشتنە پشکا تەنگاڤیا ھەردوو کەس ب گولەیا ھاتینە بریندارکرن ئێک ژ وان خەلکێ زاخویە سێ گولە بەرکەتینە و ھاولەتیەکێ دی ژی خەلکێ روژئاڤایێ کوردستانێ یە گولەیەک بەرکەتیە.
خەلات مستەفا ھاریکارێ رێڤەبەرێ نەخوشخانا تەنگاڤیا دیارکر ژی نھا رەوشا ئێک ژ وان برینداران نە باشە ژبەر کو سێ گولە د زکێ وی کەتینە و نھا ھاتە رەوانە کرن بو دھوکێ و رەوشا ساخلەمیا وی ھاولاتی دی باشە و یا پێتڤی بو ھاتیە کرن .
لدیڤ گوتنێت ھند شاھد حالان یێن ل ناڤا بازارێ پارەگوھراندا کار دکن وەسا دیارکرن کو دەستپێکێ شەر دەڤ ناڤبەرا وان دا پەیدابو و پاشان وی کەسی چوار گولە بەردان سێ ل وی کەسی دان یێ شەر دەڤ دگەل دکر و کەسێ دی ب شاشی ڤە گولە لبەر کەت و تاوانبار بەرەڤ جھەکێ نەدیارڤە رەڤی یە.
کۆمێنت (0)
تا ئێستا هیچ کۆمێنتێک نەکراوە.