نووسینگه‌ی سیستانی رۆژی دووشه‌ممه‌ی داهاتووی وه‌ک یه‌که‌م رۆژی جه‌ژنی قوربان راگه‌یاند

مه‌رجه‌عی باڵای شیعه‌كانی عێراق رۆژی دووشه‌ممه‌ی داهاتووی وه‌ك یه‌كه‌م رۆژی جه‌ژنی قوربان دیاریكرد.

به‌پێی راگه‌یه‌نراوێكی نووسینگه‌ی عه‌لی سیستانی، مه‌رجه‌عی باڵای شیعه‌كانی عێراق، ئه‌مڕۆ شه‌ممه‌ یه‌كه‌م رۆژی مانگی زیلحجه‌یه‌ و ئه‌مه‌ش واده‌كات كه‌ رۆژی دووشه‌ممه‌ی داهاتوو 12-8-2019 ببێته‌ یه‌كه‌م رۆژی جه‌ژنی قوربان.

دیاریكردنی یه‌كه‌م رۆژی جه‌ژنی قوربان له‌لایه‌ن شیعه‌كانه‌وه‌ له‌كاتێكدایه‌ كه‌ عه‌ره‌بستانی سعوودیه‌ له‌ دوور رۆژی رابردوودا رایگه‌یاند، ئێواره‌ی پێنجشه‌ممه‌ مانگی زیلحجه‌ بینراوه‌ و رۆژی هه‌ینی 2-8-2019 یه‌كه‌م رۆژی مانگی زیلحجه‌ی هیجرییه‌ و كه‌واته‌ رۆژی یه‌كشه‌ممه‌ 11-8-2019 یه‌كه‌م رۆژی جه‌ژنی قوربانه‌.

وه‌رگێڕان و داڕشتنه‌وه‌ی / رزگار

سه‌رچاوه‌ / میدیای عێراق