لیژنە هاوبەشەكانی قائیمقامییەتی سلێمانی ئاماری مانگی تەموز بۆ رای گشتی بڵاودەكاتەوە و بە پێیئامارەكە لەماوەی ئەو مانگەدا لیژنەكان زیاتر لە چوار هەزار شوێنیان بەسەركردووەتەوە و یاساو ریێنماییەكانیش هەر شویێنك پابەندی مەرج و رێنماییەكان نەبێت، رووبەرووی سزای ماددی و یاسایی دەكرێتەوە.
بەپێی ئامارەكەی لیژنەهاوبەشەكانی قائیمقامییەتی سلێمانی لە مانگی "7" تەموز لیژنەكان سەردانی چوار هەزار و "298" شوێنیان كردووە و لە پابەند بون و جێبەجێ كردنی مەرج و رێنماییە تەندروستیەكانیان كۆڵیوەتەوە, لە كۆی گەڕان و بەسەركردنەوەكانیان، بەهۆی پابەندنەبوون بە مەرج و رێنماییە تەندروستی و ڤیترنەرییەكانەوە (427) شوێن پسوڵەی سەرپێچیان بۆ كراوە و "857" شوێنیش ئاگاداركراونەتەوە كە پابەندی مەرج و رێنماییەكان بن و بەهۆی جۆرەكانی سەرپێچیەوە (27) شوێن داخراون و "16" شوێنیش بەهۆی قەبارەی ئەو سەرپێچیانەی كە كردوویانە رووبەڕووی دادگا كراونەتەوە,
لە ئامارەكەدا هاتووە، لە مانگی تەموزدا بڕی 55 تۆن و پێنج سەدو نەوەد و حەوت كیلۆگرام مەوادو خۆراكی ماوەبەسەرچوو لە ناوبراوە ,كۆی گشتی پارەی غەرامەكراویش لەو مانگەدا بریتییە لە (23) ملیۆن و حەوسەد هەزار دینار كە بەپێی یاساو رێنماییەكانی وەزارەتی دارایی هەرێم دەخرێتەوە سەر داهاتی گشتی.
بە پێی رێنماییەكانی لیژنە هاوبەشەكان هەرشویێنێك پابەند نەبێت، سەرەتا ئاگادار دەكرێتەوە، دواتر سزای ماددی دەدرێن و لە ئەگەری دووبارەكردنەوەی سەرپێچیەكاندا رووبەرووی داخستن یان دادگا دەكرێنەوە.
لیژنەهاوبەشەكانی قائیمقامیەتی سلێمانی ژمارەیان "36" لیژنەیەو بۆ پاراستنی تەندروستی هاوڵاتیان و داكۆكی كردن لە بەرژەوەندی گشتی رۆژ و شەو لە ئەرك و بەرپرسیارێتیدان .
شوان عهزیز
کۆمێنت (0)
تا ئێستا هیچ کۆمێنتێک نەکراوە.