به‌وێنه‌ ... شوێن بۆ کردنه‌وه‌ى نووسینگه‌ى پاسپۆرتی سۆران دیاری کرا

به‌رێوه‌به‌رایه‌تى پاسپۆرتى هه‌ولێر بڵاوی كرده‌وه‌  شاندێك له‌سه‌ر فه‌رمانى رێبه‌ر ئه‌حمه‌د وه‌زیری ناوخۆی هه‌رێمی كوردستان له‌به‌رێوه‌به‌رایه‌تیه‌كه‌مان سه‌ردانى ده‌ڤه‌ری سۆرانى كرد 

به‌رێوه‌به‌رایه‌تیه‌كه‌ ده‌شڵێت ، سه‌ردانه‌كه‌ به‌مه‌به‌ستى دیاری كردنى شوێنێك بوو بۆ كردنه‌وه‌ى نووسینگه‌ى پاسپۆرتى سۆران 

  به‌رێوه‌به‌رایه‌تى پاسپۆرتى هه‌ولێر سوپاس و پێزانینی خۆیان ئاراستەی  قایمقامی قەزای سۆران ده‌كه‌ن  کە هاوکار بووه‌  لە دابین کردنی باڵەخانەیەک بۆ نووسینگەی پاسپۆرتی سۆران

له‌كۆتادا به‌رێوه‌به‌رایه‌تى پاسپۆرتى هه‌ولێر رایده‌گه‌ێنێت لە ماوەیەکی  نزیک دا نووسینگەی پاسپۆرتی سۆران دەست بەکار دەبێت بۆ ڕایی کردنی مامەڵەی هاووڵاتیان بۆ دەرهێنانی پاسپۆرت و کار ئاسانی بۆ هاووڵاتیانی ئەو دەڤەرەو دەورووبەری.

دارشتنه‌وه‌ى هه‌واڵ - شوان عه‌زیز