بەبۆنەی ٧٣ هەمین ساڵیادی دامەزراندنی پارتی دیموکراتی کوردستان، و بەئامادەبوونی باڵوێزی عێراقی فیدراڵ، نوێنەری حزب و لایەنە سیاسییەکان، ئەندام پەرلەمان و کەسایەتی سیاسی و ئەکادیمی و راگەیاندکار و رۆژنامەنووسان، مەکتەبی پارتی دیموکراتی کوردستان لە قاهیرە، ئێوارە خوانێک وپێشەنگایەکی وێنەی بەم بۆنەیە سازکرد و بەگوڵ پێشوازی لە ئامادەبووان کرد.
شێرکۆ حەبیب بەرپرسی مەکتەبی پارتی لە قاهیرە لە وتەیەکدا وێرای بەخێرهاتن و سوپاسی ئامادە بوان، ئاماژەی بە خەباتی و تێکۆشانی پارتی، و هۆکاری دامەزراندنی لە ناوەراستی چلەکانی سەدەی رابردوو بە سەرۆکایەتی سەرکردەی نەتەوەی کورد جەنابى مەلا مستەفا بارزانی نەمر کرد، کاتێک دروشمی دیموکراتیەت بۆ عێراق و ئۆتۆنۆمی بۆ کوردستان بەرز کردەوە، لەروانگەی باوەری بە دابینکردنی مافەکانی میللەتی کورد لە چوارچیوەی وڵاتێکی دیموکراسی.
بەرپرسی مەکتەبی پارتی لە قاهیرە، سەبارەت بە باروو دۆخی ئەمرۆ و پەیوەندی لەگەڵ حکومەتی ناوەند، ئەوەی خستە روو کە دوا سەردانی سەرۆک بارزانی و دیداری لەگەڵ بەرپرسان بۆوە هۆکاری چارەسەری گرفت و کێشەکان لەسەر بنەمای دەستوور، هەروەها ئاماژەی بەسەردانی رێزدار نێچیرڤان بارزانی و رێزدار مسرور بارزانی بۆ بەغدا کرد بۆ چارەسەر کردنی گرفتەکان، لە تەوەرێکی دیکەی وتارەکەی ئاماژەی بە سەنگ و پێگەی پارتی کرد چ لەسەر ئاستی عێراق یا کوردستان، لەسەر رێبازی بارزانی نەمر و رێنمایەکانی جەنابی سەرۆک بارزانی درێژە بەخەباتی ئاشیتانەی دەدات، و هەوڵەکان چڕ دەکاتەوە بۆ پتەوکردنی پەیوەندییەکانی لەگەڵ هێز و لایەنە سیاسی کوردستانی و عێراقی و عەرەبی لەسەر بنەمای رێزگرتن لە بنەماکانی دیموکراسی و ئازادی.
دکتور ئەحمەد نایف دلێمی باڵوێزی عێراقی فیدراڵ لە قاهیرە و نوێنەری لە کۆمکاری عەرەبی، لە وتەکەیدا پیرۆزبایی لە سەرکردایەتی و ئەندامانی پارتی کرد، و ئاماژەی بە خەبات و تێکۆشانی پارتی کرد لە پێناو ئازادی و دیموکراسی، و پارتی دیموکراتی کوردستانی بە یەکێک لە گرنگترین پارتە سیاسیەکانی عێراق و کوردستان هەژمار کرد.
دکتۆر محەمەد ئەبوو کەلەلل بەرپرسی بەشی عەرەبی رەوتی حکمە، لە وتارەکەی پیرۆز بایی پێشکەش جەنابی سەرۆک بارزانی و سەرکردایەتی و ئەندامانی پارتی کرد، و ئاماژەی بە خەبات ٧٣ ساڵەی پارتی و رۆڵی لە چەسپاندنی ئاشتی و داکۆکی لە مافەکان کرد، لە تەوەرێکی دیکە ئاماژەی بە پەیوەندی نێوان پارتی و ئەلحەکیم کرد، هەروەها ئاماژەی بە خەباتی بارزانی نەمر و جەنابی سەرۆک بارزانی کرد و گوتی خولێخۆشبێت مەلا مستەفا بارزانی فەرموودەیەکی هەیە دەڵێ'ئەگەر خزمەتکردنی نیشتمان تاوانە، ئەوا من گەورەترین تاوان بارم"
کۆمێنت (0)
تا ئێستا هیچ کۆمێنتێک نەکراوە.