ئه‌لڤێس سه‌رکه‌وتنى بۆ یانه‌که‌ى تۆمارکرد و دڵی هانده‌رانى ساوپاولۆی خۆش کرد

له‌یه‌كه‌م ده‌ركه‌وتنی له‌گه‌ل یانه‌ی ساوپاولۆ دانی ئه‌لڤێش توانی دڵی هانده‌رانی یانه‌كه‌ی خۆش بكات دوای ئه‌وه‌ی گۆلێك له‌یانه‌ی سیارا تۆماركرد، ئه‌لڤێش له‌ریزی یانه‌ی ساوپاولۆ درێسی هاورێكه‌ی خوان فرانی پۆشیوه‌ كه‌ ئه‌میش چووه‌ ریزی یانه‌ی ئه‌تله‌تیكۆ مه‌درید

 یانه‌ی ساوپاولۆ له‌ئێستادا به‌كۆكردنه‌وه‌ی بیستو حه‌وت خاڵ له‌خانه‌ی شه‌شه‌می ریزبه‌ندی دێت، له‌هه‌مان كات به‌جیاوازی پێنج خاڵ له‌دوای سانتۆسی پێشه‌نگی ریزبه‌ندیه‌، لای خۆشیه‌وه‌ ئه‌لڤێش له‌لێدوانێكی ڕۆژنامه‌وانیجا رایگه‌یاند هه‌ست به‌دڵخۆشیه‌كی زۆر ده‌كه‌م له‌یه‌كه‌م ده‌ركه‌وتنم له‌گه‌ڵ ساوپاولۆ توانیم گۆلێك تۆماربكه‌م

هه‌روها ئه‌لڤێش وتیشی له‌گه‌ڵ هاورێكانم توانیمان بردنه‌وه‌ به‌ده‌ست بێنین، به‌ڵام پێویسته‌ بردنه‌وه‌ی زیاتر به‌ده‌ست بخه‌ین بۆ ئه‌وه‌ی هه‌نگاوێك زیاتر له‌ریزبه‌ندی برۆینه‌ پێشه‌وه‌، ئه‌لڤێش نه‌یشارده‌وه‌ هه‌وڵ ده‌ده‌ن باشترین ئاست پێكه‌ش بكه‌ن بۆ یاریه‌كانی داهاتوو.