كۆمپانیای نۆكیا بۆ به‌رهه‌م هێنانی مۆبایل، جارێكی دیكه به‌رهه‌مه‌كانی ده‌خاته‌وه بازاڕ و ده‌یه‌وێت بگه‌ڕێته‌وه ناو پێشبڕكێی فرۆشتنی مۆبایل.
نۆكیا له‌سه‌ره‌تای بڵاوبوونه‌وه‌ی مۆبایل به جیهاندا، پڕفرۆشترین كۆمپانیای بواری مۆبایل بوو، به‌ڵام كۆمپانیاكانی وه‌ك ئه‌پڵ و سامسۆنگ و چه‌ند كۆمپانیاییه‌كی دیكه، توانیان پێشكه‌وتنی زیاتر به‌دی بهێنن و شوێن به‌و كۆمپانیا فینله‌ندییه چۆڵ بكه‌ن.
نۆكیا 2720، ئه‌و جۆره مۆبایله‌یه كه گۆڕانكاری تێدا كراوه و ئینته‌رنێتی 4جی و به‌رنامه سه‌رده‌مییه‌كانی وه‌ك واتس ئه‌پ، فه‌یسبووك و یوتیوب تیایدا كار ده‌كات.
نرخی مۆبایله‌كه نزیكه‌ی 100 دۆلار ده‌بێت و له‌م مانگه ده‌خرێته بازاڕه‌وه، سیستمی وای فای له‌سه‌ری كار ده‌كات و دیزاینه‌كه‌ی گۆڕانكاریی به‌سه‌ردا نه‌هاتووه..
سه‌رچاوه/ كوردستان 24
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.