رێككه‌وتن هه‌یه له‌سه‌ر دابه‌شكردنی ده‌نگی تایبه‌ت به‌گۆرانی وتن بۆشه‌ش جۆری ده‌نگ. ده‌نگه‌گانی ئافره‌تان و مندالان له‌ترۆپكی ده‌نگه به‌رزوتیژه‌كانن،له‌سه‌ره‌وه بۆ خواره‌وه به‌و شێوه‌یه: سوپرانۆ، میزیۆسوپرانۆ، ئالتۆ.
ده‌نگی پیاوانیش به‌وشێوه‌ی خواره‌وه‌یه : تینۆر، باریتۆن، باص. دابه‌شكاریه‌كی دیكه‌ی جۆریش بۆ ده‌نگ هه‌یه له‌بابه‌تی پیشه‌ییدا به‌كارده‌هێندرێت .مه‌به‌ست ئه‌و شێوه دابه‌شكاریه‌ی خواره‌وه‌یه : سوپرانۆی درامی،سوپرانۆی شاعیری، تینۆری پاله‌وانیه‌تی، تینوری لیریكی، باسۆباریتۆن ... هتد .
دارشتنه‌وه‌ی شێوازومۆرك (پارافریز PARSPHRASE )
ئه‌و گوزارشته‌ی كه به‌درێژایی چاخه‌كان له هونه‌ری موزیكدا به‌كارهاتووه. كه به‌مانای ئه‌و گۆرانی و موزیكانه دێت به شێوازی ( ئیرتجال و له خۆرا ) ده‌ژه‌ندرێن و قۆناغ به قۆناغ سه‌رله‌نوێ به ده‌ستكاری هونه‌ریه‌وه دووباره داڕێژراونه‌ته‌وه.
ئه‌و بیرۆكه‌یه زیاتر له سه‌ده‌كانی ناوه‌راستدا گه‌شه‌ی سه‌ندو،له‌دارشتنه‌وه‌ی شێوازو مۆركی گۆرانیه‌كانی كه‌نیسه به‌دیهات وجێبه‌جێكرا . له‌لایه‌كی دیكه‌وه تائێستا كاری گۆڕانكاری ودووباره‌دارشتنه‌وه‌ی دانراوه‌وه‌كانی موزیك،له‌سه‌ده‌كانی نۆزده‌و بیستی زاینی درێژه‌یان هه‌یه، كۆمه‌لێك كاری موزیكی هه‌ن ئه‌و كه‌وتۆته‌به‌ر ئه‌وجۆره له دارشتنه‌وه یه .
ده‌نگی به‌هاری SPRING SOUNDS
ناونیشانی سه‌مایه‌كی ڤالسه،موزیكه‌كه‌ی یوهان شتراوسی(كوڕ)دایناوه،به‌ژماره‌ی پۆلێنكراوی (410 OP. ) ساڵی 1881ز.
له عه‌ره‌بیه‌وه: :نایف شێخانی
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.