ن/ كه‌ریم ده‌شتی
له‌ناو زه‌نوێرو زناردا، له مناره‌كانی ناو شاردا
له‌ناو زناك و زستاندا، به‌سه‌ر زیوه‌ری چیاكاندا
به‌سه‌ر زامی گه‌رمی خاكدا
گۆرانی ئه‌وینت بۆ ده‌چڕم ئه‌ی نیشتیمان
**
له‌ناو مناڵانی گه‌ڕه‌ك، له‌ژێر مه‌شخه‌ڵی تووڕه‌یی
له‌ناو مه‌ینه‌تی ژیاندا، له‌ته‌ك ماڵه هه‌ژاره‌كان
گۆرانی ئه‌وینت بۆ ده‌چڕم ئه‌ی نیشتیمان
**
به بۆنی خۆڵی پیرۆزت، به‌ڕێژنه‌ی خوێنی ڕژاوت
به شه‌فه‌قی هه‌ردوو چاوت، به دره‌وشانه‌وه‌ی هه‌تاوت
گۆرانی ئه‌وینت بۆ ده‌چڕم ئه‌ی نیشتیمان
كوردستان تیڤی/ كامران
کۆمێنت (0)
تا ئێستا هیچ کۆمێنتێک نەکراوە.