سه‌رۆك كۆماری توركیا ڕایگه‌یاند كه وڵاته‌كه‌ی به‌رده‌وام ده‌بێت له‌سه‌ر كڕینی نه‌وت و غازی سروشتی ئێران.
ڕه‌جه‌ب ته‌یب ئه‌ردۆغان سه‌رۆك كۆماری توركیا ئه‌مڕۆ هه‌ینی ڕایگه‌یاند كه توركیا هه‌رگیز ده‌ستبه‌رداری كڕینی نه‌وت و غازی سروشتی كۆماری ئیسلامی ئێران نابێت.
ڕه‌جه‌ب ته‌یب ئه‌ردۆغان له په‌راوێزی كۆبوونه‌وه‌ی كۆمه‌ڵه‌ی گشتی نه‌ته‌وه یه‌كگرتووه‌كان له نیویۆركی ئه‌مه‌ریكا بۆ رۆژنامه‌نووسان ڕایگه‌یاند كه پرۆسه‌ی بازرگانی نێوان توركیا و ئێران به‌رده‌وام ده‌بێت و سزا سه‌پێندراوه‌كانی ئه‌مه‌ریكا بۆ سه‌ر ئێران و گوشاره‌كانی ئه‌مه‌ریكا بۆ سه‌ر توركیا كاریگه‌ری له‌سه‌ر په‌یوه‌ندی بازرگانی نێوان ئه‌نقه‌ره و تاران نابێت .
کۆمێنت (0)
تا ئێستا هیچ کۆمێنتێک نەکراوە.