لایەنەكان لەسەر ئەوە رێكەوتن كە بەلیستی " هاوپەیمانی كوردستانی" بەشداری لەهەڵبژاردنی ئەنجوومەنی پارێزگاكاندا بكەن كە بۆ هەر سێ پارێزگای دیالە، موسڵ و كەركوك دەبێت.
ئەمڕۆ شەممە 28-9-2019 لەشاری هەولێر، نۆ لایەنی سیاسی هەرێم (یەكێتی، پارتی،گۆڕان، سۆسیالست، شیوعی، یەكگرتوو، كۆمەڵ، بزوتنەوەی ئیسلامی و زەحمەتكێشان) بۆ بڕیاردانی كۆتایی لەبارەی لیستی هاوبەش بۆ هەڵبژاردنی ئەنجوومەنی پارێزگاكان بۆ ناوچە كوردستانییەكانی دەرەوەی ئیدارەی هەرێم رێككهوتن.
له كۆنگرهیهكی رۆژنامهوانییدا سهعدی ئهحمهد پیره ئهندامی مهكتهبی سیاسی یهكێتی نیشتمانی كوردستان رایگهیاند: رهوشی كهركووك نائاساییه و پارێزگار به زۆری دیاریكراوه و پێویسته رهوشی كهركووك ئاسایی بكرێتهوه.
ههروهها سهعدی ئهحمهد پیره راشیهگهیاند كه پارێزگاری ئێستا به وهكالهتی كهركووك له تهعریب كردن بهردهوامه و پێویسته پارێزگارێك بۆ كهركووك دیاری بكرێت و بۆ ئهو مهستهش رێككهوتنێكمان لهگهڵ پارتی ههیه.
راشیگەیاند: ھەموومان دەزانین بارودۆخی ناوچە كوردستانییەكان بارودۆخێكی نائاساییە، پشتوانی لەو تانانە دەكەین كە لە یاسای ژمارە 14ی یاسای ھەڵبژاردنی ئەنجوومەنی پارێزگاكان دراوە و داوای ئاساییكردنەوەی دۆخی ناوچە كوردستانییەكان دەكەین، بۆ ئەوەی خەڵك بتوانێت بەشداری لە ھەڵبژاردن بكەن.
گوتیشی: ئەو لایەنە سیاسییانەی دەیانەوێت بەشداری لە ھەڵبژاردنی ئەنجوومەنی پارێزگاكان بكەن، ئێمە وەك لایەنە كوردستانییەكان پێشوازیان لێدەكەین.
کۆمێنت (0)
تا ئێستا هیچ کۆمێنتێک نەکراوە.